පසුගිය 11 වනදා අනතුරට ලක්වූ හිටපු කථානායක, පාර්ලිමේන්තු මන්ත්රී අශෝක රන්වල මහතාගේ ජීප් රථයේ තිරිංග පද්ධතිය නිසි ලෙස නඩත්තු කර නොමැති බවත් එහි දෝෂයක් ඇති බවත් පොලිස් මාධ්ය ප්රකාශක එෆ්. යූ. වුට්ලර් මහතා පවසයි.
මෝටර් රථ ප්රවාහන දෙපාර්තමේන්තුව විසින් කළ පරීක්ෂාවකදී මේ බව අනාවරණය වී ඇතැයි පැවසූ පොලිස් මාධ්ය ප්රකාශකවරයා, ඒ අනුව එම තිරිංග පද්ධතියේ දෝෂය සැකසීම සඳහා කටයුතු නොකිරීම සම්බන්ධයෙන් අශෝක රන්වල මහතාට එරෙහිව නඩු පැවරීමට ඉදිරියේදී කටයුතු කරන බවත් සඳහන් කළේය.
කෙසේවෙතත් අශෝක රන්වල මහතා සම්බන්ධයෙන් සිදුකළ වෛද්ය පරීක්ෂණයේ වාර්තාව මෙතෙක් පොලීසිය වෙත ලැබී නොමැති බවත් වෛද්යවරුන්ගේ උපදෙස් මත ඔහුගේ රුධිර සාම්පල රජයේ රසපරීක්ෂකවරයා වෙත යොමුකර ඇති බවත් පොලිස් මාධ්ය ප්රකාශකවරයා වැඩිදුරටත් පැවසීය.
අශෝක රන්වල මහතා පැදවූ ජීප් රථය පසුගිය 11 වනදා රාත්රියේ සපුගස්කන්ද, දෙනිමල්ල ප්රදේශයේදී තවත් මෝටර් රථයක ගැටීමෙන් අනතුරට ලක්වූ අතර එම මෝටර් රථයේ ගමන් ගත් මාස 7ක් වයසැති බිළිඳියක්, ඇගේ මව සහ මිත්තණිය එහිදී තුවාල ලැබූහ.
