රෂිකා හෙන්නායක දෙසැම්බර් 19, කොළඹ LNW :
මේ වනවිට 'Rebuilding Sri Lanka' අරමුදලට රු. මි. 4,286ක (රු.බි. 4.2) ඉක්මවූ මුදල් ප්රමාණයක් ලැබී ඇති බව මුදල්, ක්රමසම්පාදන හා ආර්ථික සංවර්ධන අමාත්යාංශ ලේකම් ආචාර්ය හර්ෂණ සූරියප්පෙරුම කියා සිටී.
ඔහු සඳහන් කළේ, මෙම මුදලන් රුපියල් මිලියන 4,263ක් දේශීය ව්යාපාරිකයින් හරහා ලැබී ඇති බවත්, ඉතිරිය විදේශ මුදල්වලින් ඍජුව තැන්පතු හරහා ලැබී ඇති බවත්ය. ලැබුණු මුදල්වල ඩොලර් වටිනාකම මිලියන 13.8 ඉක්මවා ගොස් ඇති අතර, ඉන් විදේශ මුදල්වලින් පමණක් ලැබුණු ප්රමාණය ඩොලර් මිලියන 6 ඉක්මවා ගොස් ඇති බව සඳහන් කරයි.
උතුරු අමෙරිකාව, ඔස්ට්රේලියාව, චීනය, එංගලන්තය, ජර්මනිය, භූතානය, ඉතාලිය, කැනඩාව, එක්සත් අරාබි එමීර් රාජ්ය, නවසීලන්තය, මාලදිවයින, සෞදි අරාබිය, ප්රංශය, කොරියාව ඇතුළු රටවල් 43කින් මෙම ආධාර මුදල් ලැබී ඇති බව, මෙහිදී සූරියප්පෙරුම මහතා පවසා සිටියේය.
