ආශිකා බ්රාහ්මණ
කොළඹ LNW:කොළඹ මහ නගර සභාවේ අයවැය දෙවන වර කියවීම වැඩි ඡන්දයෙන් සම්මත වී තිබේ.
අයවැයට පක්ෂව ඡන්ද 58ක් හිමිව ඇති අතර විපක්ෂව ලැබී ඇත්තේ ඡන්ද 56කි.
කොළඹ මහ නගර සභාවේ මංගල අයවැය දෙසැම්බර් 22 වැනිදා සභාවට ඉදිරිපත් කෙරුණු අතර විපක්ෂයේ එකතුවෙන් එය පරාජයට පත්විය.
පළමු වර අයවැයට විපක්ෂව ඡන්ද 60ක් එහිදී හිමි වූ අතර පක්ෂව ලැබුණේ ඡන්ද 57 ක් පමණි.
එවන් පසුබිමක අයවැය සංශෝධනයකින් තොරව යළි අද දිනයේදී නගරාධිපතිනි ව්රායී කැලී බල්තසාර් මහත්මිය විසින් සභාවට ඉදිරිපත් කරනු ලැබීය.
කෙසේවෙතත් කොළඹ මහ නගර සභාවේ ඒකාබද්ධ විපක්ෂය විසින් ඊයේ (30) මාධ්ය හමුවක් පවත්වමින් අවධාරණය කළේ ඇයවැය වාර්තාව සංශෝධනයකින් තොරව ඉදිරිපත් කළ හොත් නැවත අවරක් අද දින එය පරාජයට පත්කරන බවයි.
