සටහන: සශිකලා මධුෂාණි
ජනවාරි 13: ලෝකය(අවුට්බවුන්ඩ් ටුඩේ): ඉරානය සමඟ වාණිජ සබඳතා ඇති රටවල භාණ්ඩ සඳහා එක්සත් ජනපද ජනාධිපති ඩොනල්ඩ් ට්රම්ප් විසින් ඊයේ(12)දිනයේදී 25%ක නව තීරු බද්දක් පනවා ඇති බව වාර්තා වේ.
ඉරානය සමඟ “ව්යාපාර කිරීම” යන්න පිළිබඳ විස්තර ඉදිරිපත් නොකර, තීරු බද්ද “වහාම ක්රියාත්මක වන” බව ට්රම්ප් සිය සමාජ මාධ්ය ඔස්සේ සඳහන් කර තිබු අතර ඉරානයේ වෙළඳ හවුල්කරුවන් වන චීනය, ඉරාකය, එක්සත් අරාබි එමීර් රාජ්යය, තුර්කිය සහ ඉන්දියාව ඊට යටත් වනු ඇත.
ඉරානයේ රාජාණ්ඩුවට එරෙහි විරෝධතා මේවන විට තුන්වන සතිය දක්වා අඛණ්ඩවම ක්රියාත්මක වන අතර ඊට සහයෝගය පළකරමින් ජනාධිපති ට්රම්ප් විසින් ටෙහෙරානය විරෝධතාකරුවන් ඝාතනය කළහොත් මිලිටරිමය වශයෙන් මැදිහත් වන බවට ට්රම්ප් තර්ජනය කිරීමෙන් පසුව නව තීරු බද්ද පැමිණේ.
ඉරානය වෙනුවෙන් ගුවන් ප්රහාර ඇතුළු මිලිටරි විකල්ප තවමත් “මේසය මත” පවතින බව ධවල මන්දිර ප්රකාශිකා කැරොලයින් ලෙවිට් සඳහන් කර තිබු අතර ඉරාන විදේශ අමාත්ය අබ්බාස් අරග්චි ප්රකාශ කර තිබුණේ, ඇමරිකාවෙන් හෝ ඊශ්රායලයෙන් ප්රහාරයක් එල්ල වුවහොත් යුද්ධයට සම්පූර්ණයෙන්ම සූදානම් බවයි.
කෙසේ නමුත් මේ වන විට ඉරානයේ මුදල් ඒකකය වාර්තාගත අවම මට්ටමකට පහත වැටී ඇති අතර, උද්ධමනය 40% ට වඩා ඉහළ ගොස් ඇති අතර, එහි ප්රතිඵලයක් ලෙස පිසින තෙල් සහ මස් වැනි එදිනෙදා භාණ්ඩ සඳහා තියුණු මිල ඉහළ යාමක් ඇති වී තිබේ.
