ශ්‍රී ලංකාවේ ප්‍රමුඛතම රක්ෂණ සේවා සපයන්නා වන ශ්‍රී ලංකා ඉන්ෂුවරන්ස් හි සභාපතිවරයා ලෙස කීර්තිමත් නීතීඥයෙකු මෙන්ම ජනාධිපති නීතීඥයෙකු වන රොනල්ඩ් පෙරේරා මහතා අද වැඩ භාර ගත්තේය.
ඔහු මෙම පත්වීමට පෙර 2015 ජනවාරි සිට 2019 නොවැම්බර් දක්වා ලංකා බැංකුවේ සභාපති ධුරය හෙබවීය. ඔහුගේ සේවා කාලය තුළදී ලංකා බැංකුව මූල්‍ය ක්ෂේත්‍රයේ ප්‍රධාන තරඟකරුවකු ලෙස හැඩගැස්වීමට ඔහු මූලික වී ඇත.
ශ්‍රී ලංකා ඉන්ෂුවරන්ස් හි ප්‍රධාන විධායක නිලධාරී, අධ්‍යක්ෂ මණ්ඩලය සහ කාර්ය මණ්ඩලයේ සහභාගීත්වයෙන් පැවති උත්සවයකින් නව සභාපතිවරයා ලෙස රොනල්ඩ් පෙරේරා මහතා උණුසුම් ලෙස පිළිගෙන ඇත.
