රෂිකා හෙන්නායක මාර්තු 09,ලෝකය (අවුට්බවුන්ඩ් ටුඩේ):
බ්රිතාන්ය මාධ්ය ආයතන 30 කින් ලබාගත් ලිපි 40,000 ක් පමණ ඇසුරෙන් කළ පර්යේෂණයකින් හෙළි වී ඇත්තේ මුස්ලිම් ප්රජාව කෙරෙහි එරට මාධ්ය තුළ පද්ධතිමය පක්ෂග්රාහීත්වයක් පවතින බවයි.
මෙම පර්යේෂණයට අනුව, ප්රමුඛ පෙළේ පුවත්පත් සහ රූපවාහිනී නාලිකා රැසක් ඉස්ලාම් භක්තිකයන්ව ඍණාත්මක ලෙස හෝ වැරදි අර්ථකථනයන් සහිතව සමාජගත කිරීමට කටයුතු කරන බවද වාර්තා වී ඇත.
විශේෂයෙන්ම දක්ෂිණාංශික මාධ්ය ආයතන හරහා මෙවැනි විකෘති තොරතුරු වැඩි වශයෙන් ප්රචාරය වන අතර, එය බ්රිතාන්යය තුළ මුස්ලිම් විරෝධී අපරාධ සහ වෙනස්කොට සැලකීම් ඉහළ යාමට සෘජුවම බලපාන බව පෙන්වා දී ඇත.
මෙවැනි වාතාවරණයක් තුළ සත්ය කරුණු මත පදනම් නොවූ ප්රකාශ පවා විවාදයකින් තොරව ප්රචලිත කිරීම හරහා බ්රිතාන්ය මුස්ලිම්වරුන්ගේ එදිනෙදා ආරක්ෂාවට සහ සාමූහික පැවැත්මට දැඩි තර්ජනයක් එල්ල වී තිබේ.
මෙම අධ්යයනය අවධාරණය කරන්නේ මාධ්ය සතු වගකීම වන්නේ අසත්ය මත පතුරුවනවා වෙනුවට නිවැරදි තොරතුරු මඟින් සමාජය දැනුවත් කිරීම බවයි.
