හිටපු ජනාධිපති ගෝඨාභය රාජපක්ෂ මහතාගේ යළි ආගමනය තවදුරටත් ප්‍රමාද වන බව වාර්තා වේ. හිටපු ජනාධිපතිවරයා 24 වැනිදා මෙරටට පැමිණෙන බව ඔහුගේ සමීපතමයන් පවසා තිබූ නමුත් ඔහු එම අදහස අතහැර දමා තිබෙනවා.
හිටපු ජනාධිපතිවරයාගේ පෞද්ගලික ලේකම් සුගීෂ්වර සේනාධීර මහතා මාධ්‍ය වෙත පවසා තිබෙන්නේ හිටපු ජනාධිපතිවරයා ශ්‍රී ලංකාවට පැමිණීමට අදහස් කරගෙන සිටින නමුත් 24 වැනිදා නොපැමිණෙන බවයි.
ඔහු යළි පැමිණෙන දිනය පිළිබඳව මේ දක්වා නිශ්චිත තීරණයක් ගෙන නොමැත.
උත්සන්න වූ මහජන විරෝධය හමුවේ ගෝඨාභය රාජපක්ෂ මහතා ගුවන් හමුදාවට අයත් ගුවන් යානයකින් මාලදිවයින බලා පිටත්ව ගිය අතර දින කිහිපයකට පසුව සිංගප්පූරුව වෙත ගොස් තිබිණි. සති කිහිපයකට පසුව රාජපක්ෂ මහතා තායිලන්තය වෙත ගමන් කළ අතර මාස කිහිපයක් එහි රැඳී සිටීමට ඔහුට අවසර ලැබී තිබෙනවා.
UN
