රෂිකා හෙන්නායක අප්‍රේල් 18, කොළඹ LNW :
මධ්‍යම පළාතේ මාර්ග ආරක්ෂාව තහවුරු කිරීම සඳහා මධ්‍යසාර සහ තවත් මත්ද්‍රව්‍ය වර්ග අටක් කඩිනමින් හඳුනාගත හැකි නවීන පරීක්ෂණ කට්ටල 150ක් පොලිස් ස්ථාන වෙත බෙදා දී ඇත.
ශ්‍රී ලංකා වෛද්‍ය සංගමය සහ පෞද්ගලික අංශයේ දායකත්වයෙන් ලබාදුන් මෙම උපකරණ, මත්ද්‍රව්‍ය භාවිත කර රිය පදවන්නන් හඳුනාගැනීමේ නියමු ව්‍යාපෘතියක් සඳහා යොදා ගැනීමට නියමිතය.
මෙම වැඩසටහන මගින් මත්ද්‍රව්‍යවලට ඇබ්බැහි වූ රියදුරන් නිසා සිදුවන රිය අනතුරු අවම කිරීම ප්‍රධාන අරමුණ වේ.
උසස් පොලිස් නිලධාරීන් සහ රාජ්‍ය නිලධාරීන්ගේ සහභාගීත්වයෙන් පැවැති මෙම ප්‍රදානය මගින් නීතිය බලාත්මක කිරීමේ ක්‍රියාවලිය වඩාත් කාර්යක්ෂම වනු ඇතැයි අපේක්ෂා කෙරේ.
