රෂිකා හෙන්නායක අප්රේල් 21, කොළඹ LNW :
ඉන්දීය නාවික හමුදාවට අයත් INS Nireekshak නෞකාව විශේෂිත කිමිදුම් පුහුණු වැඩසටහනක් සඳහා ශ්රී ලංකාවට පැමිණ ඇති අතර, එය කොළඹ වරායේදී ඉතා උණුසුම් අයුරින් පිළිගනු ලැබීය.
මෙම සංචාරයේ ප්රධානතම අරමුණ වන්නේ දෙරටේ නාවික හමුදා අතර මිශ්ර වායු කිමිදුම් තාක්ෂණය පිළිබඳ දැනුම සහ අත්දැකීම් හුවමාරු කර ගැනීමයි.
Commander Sailesh Kumar Tyagi ගේ නායකත්වයෙන් පැමිණි මෙම නෞකාවේ නිලධාරීන්, දේශීය නාවික හමුදාව සමඟ එක්ව වෘත්තීය සහයෝගිතාව වර්ධනය කරන විවිධ අභ්යාසයන්හි නිරත වීමට නියමිතය.
මීට අමතරව, නාවික පිරිස දෙරට අතර සුහදත්වය ශක්තිමත් කිරීම වෙනුවෙන් සංස්කෘතික වශයෙන් වැදගත් ස්ථාන නැරඹීමට සහ විශේෂ වැඩසටහන් කිහිපයකටද සහභාගී වනු ඇත.
මෙම මෙහෙයුම හරහා කලාපීය වශයෙන් නාවික ක්රියාකාරී ශක්යතාවන් ඉහළ නැංවීම අපේක්ෂා කෙරේ.
