ශ්‍රී ලංකා මහබැංකුව විසින් ඊයේ (14) නිකුත් කරන ලද දෛනික විනිමය අනුපාතික සටහන අනුව ඇමරිකානු ඩොලරයක ගැනුම් මිල රුපියල් 322.2875 ක් වශයෙන් ද විකුණුම් මිල රුපියල් 329.9201 ක් වශයෙන් ද සටහන්ව තිබේ.
මෙය 2023 දෙසැම්බර් 27 වෙනිදායින් පසු මෙරටින් වාර්තා වූ ඇමරිකානු ඩොලරයක ඉහළම විකුණුම් මිල වේ.
2022 මාර්තු 07 දක්වා රුපියල් 202.99ක ස්ථාවර අගයක පැවති පැවති අමෙරිකානු ඩොලරයේ රුපියල් වටිනාකම, 2022 මාර්තු 08 දින සිට රුපියල පා කිරීමට ගත් තීරණයත් සමගින් ශීඝ්‍රයෙන් ඉහළ ගිය අතර 2022 මැයි 12 වන විට රුපියල් 377.49ක් දක්වා ඩොලරයේ විකුණුම් මිල වැඩිවී තිබිණි. ඉන් පසුව මෙය ක්‍රමිකව පාලනය කරගැනීමට හැකිවුණු අතර 2023 වසර අවසන් වනවිට එය රුපියල් 328.77 දක්වා අඩුවිය.
ඉන් අනතුරුව මේ දක්වා ඩොලරයක අඩුම විකුණුම් මිල වාර්තා වූයේ 2024 දෙසැම්බර් 13 වනදා ය. ඒ, රුපියල් 294.49ක් වශයෙනි.
මේ සතිය තුළ ඇමරිකානු ඩොලරයේ මිල ඉහළ ගිය ආකාරය පහත සටහනින් දැක්වේ.
