ආශිකා බ්‍රාහ්මණ
කොළඹ LNW:අතුරුදහන් කරන ලද මාධ්‍යවේදී ප්‍රගීත් එක්නැළිගොඩගේ නඩුව අද (26) දිනයේදීත් ස්ථිර ත්‍රිපුද්ගල මහාධිකරණයේදී විභාග විය.
අද දිනයේදී සාක්ෂිකරුවන් තිදෙනෙකුගෙන් සාක්ෂි විමසීම සිදුකරන ලද අතර නඩුව යළි ජූලි 02 වැනිදා කැඳවීමට නියෝග කළේය.
එදිනට අංක 20,21,28 සහ 101 යන සාක්ෂිකරුවන් කැඳවීමට සිතාසි නිකුත් කිරීමටද අධිකරණය නියෝග කරන ලදී.
මේ වන විට එම නඩුව මාසයකට දින තුනක් විභාග වීම සිදුවෙයි.
නඩු විභාගය අවසානයේදී මාධ්‍ය වෙත අදහස් දක්වමින් මාධ්‍යවේදී ප්‍රගීත් එක්නැළිගොඩගේ බිරිඳ වන සන්ධ්‍යා එක්නැළිගොඩ පැවසුවේ තවදුරටත් මෙම නඩුව විභාග වීම වේගවත් වුවහොත් මේ වසරේදී මෙහි එක් අදියරක් හෝ අවසන් කරගත හැකි වන හෙයින් නඩු විභාගය වැඩිකාන ලෙස තමන් ඉල්ලා සිටින බවයි.
