රෂිකා හෙන්නායක ජූලි 01, කොළඹ LNW :
පසුගිය වසරේ ඇති වූ දිට්වා සුළි කුණාටුවෙන් හානි වූ තලෙයිමන්නාරම දුම්රිය මාර්ගයේ ප්‍රතිසංස්කරණ කටයුතු නිම කර තිබුණද, මෙතෙක් එහි ගමනාගමන කටයුතු ආරම්භ කර නොමැත.
දුම්රිය දෙපාර්තමේන්තුව විසින් නඩත්තු කටයුතු අවසන් කර දැන් මසකට වැඩි කාලයක් ගත වී ඇතත්, එන්ජින් හිඟය හේතුවෙන් සේවාවන් ප්‍රමාද වන බවට වෘත්තීය සමිති චෝදනා කරයි.
මෙම මාර්ගය විශේෂයෙන්ම මඩු වන්දනාකරුවන්, හමුදා සාමාජිකයන් සහ සාමාන්‍ය මගීන් විශාල පිරිසක් දිනපතා භාවිත කළ ප්‍රධාන ප්‍රවාහන මාර්ගයකි.
දුම්රිය ධාවනය අත්හිටුවීම නිසා ජනතාව දැඩි අපහසුතාවට පත්ව ඇති අතර, හැකි ඉක්මනින් සේවාවන් යථා තත්ත්වයට පත් කරන ලෙස වෘත්තීය සමිති බලධාරීන්ගෙන් ඉල්ලා සිටියි.
දැනට පවතින තත්ත්වය අනුව දුම්රිය මාර්ගය ඉහළ වේගයකින් ධාවනය කළ හැකි මට්ටමේ පැවතියද, පාලනාධිකාරියේ ප්‍රමාදය දැඩි විවේචනයට ලක්ව ඇත.
