රෂිකා හෙන්නායක ජූලි 02, කොළඹ LNW :
මිස්ටර් කොත්තු ආයතනයේ හිමිකරු වන විරාජ් වික්‍රමනායක සේවකයෙකුට පහරදීමේ සිද්ධියක් මුල් කරගනිමින් කම්කරු අමාත්‍යාංශය පුළුල් පරීක්ෂණයක් ආරම්භ කර ඇත.
සමාජ මාධ්‍ය ඔස්සේ ප්‍රචාරය වූ වීඩියෝවක් පදනම් කරගෙන මෙම අත්අඩංගුවට ගැනීම සිදුව ඇති අතර, ආයතනය තුළ සිදුව ඇති මූල්‍යමය හා පරිපාලනමය අක්‍රමිකතා පිළිබඳවද සොයා බැලීමට බලධාරීන් තීරණය කර තිබේ.
විශේෂයෙන්ම සේවකයන්ගේ EPF සහ ETF ගෙවීම් නිසි පරිදි සිදුකර ඇත්ද යන්න සහ සේවා කොන්දේසි උල්ලංඝනය වී ඇත්ද යන්න පිළිබඳව දිවයින පුරා පිහිටි ශාඛා පරීක්ෂා කිරීමට නියමිතය.
මීට අමතරව, මෑතකදී වසා දැමූ ශාඛාවල සේවකයන්ට හිමිවිය යුතු වන්දි මුදල් ලබා දී තිබේද යන්න පිළිබඳවද දැඩි අවධානයක් යොමු කෙරේ. මෙම සම්පූර්ණ විමර්ශන වාර්තාව කඩිනමින් ලබාදෙන ලෙස කම්කරු දෙපාර්තමේන්තුවට උපදෙස් දී ඇති අතර, නීතිමය ක්‍රියාමාර්ග ගැනීමට රජය සූදානම් වේ.
