ගාල්ල, මහමෝදර ප්‍රදේශයේ නව බන්ධනාගාරයක් පිහිටුවීමට නියම කරමින් අතිවිශේෂ ගැසට් නිවේදනයක් නිකුත් කර තිබේ.
බන්ධනාගාර ආඥාපනතේ 2 වන වගන්තිය යටතේ පැවරී ඇති බලතල අනුව අධිකරණ අමාත්‍ය හර්ෂණ නානායක්කාර මහතා විසින් මෙම ගැසට් නිවේදනය නිකුත් කර ඇත.
“මහමෝදර” නමින් මෙම බන්ධනාගාරය පිහිටුවනු ලබන අතර, එහි බලප්‍රදේශය සමස්ත ශ්‍රී ලංකාව ආවරණය වන පරිදි නියම කර ඇති බවයි එම ගැසට් නිවේදනයෙන් දැක්වෙන්නේ.
වසාදැමුණු මහමෝදර රොහලේ කොටසක තාවකාලික පදනම මත මෙම බන්ධනාගාරය පවත්වාගෙන යෑමට නියමිත බවයි ආරංචිමාර්ග සඳහන් කළේ.
