සටහන: සශිකලා මධුෂාණි
ජූලි මස 09; ලෝකය(අවුට්බවුන්ඩ් ටුඩේ): එක්සත් ජනපද ජනාධිපති ඩොනල්ඩ් ට්‍රම්ප්, ඉරානයේ ඝාතන ලැයිස්තුවේ ප්‍රමුඛතම ඉලක්කය තමන් බව ප්‍රකාශ කර තිබේ.
තුර්කියේ පැවති නේටෝ (NATO) රාජ්‍ය නායක සමුළුව අමතමින් ඔහු මෙම ප්‍රකාශය සිදු කළ අතර, එහිදී ඉරානයට එරෙහිව එක්සත් ජනපදය මෑතකදී දියත් කළ හමුදා ක්‍රියාමාර්ගද ඔහු දැඩි ලෙස ආරක්ෂා කළේය.
ට්‍රම්ප් පැවසුවේ, ඊශ්‍රායලය සමඟ හුවමාරු කරගත් බුද්ධි තොරතුරු අනුව තමන් ඉරානයේ ඝාතන ලැයිස්තුවේ අංක එකේ ඉලක්කය ලෙස හඳුනාගෙන ඇති බවයි. එම තොරතුරු හේතුවෙන් තමන් ගත් තීරණ ඇමරිකාවේ ජාතික ආරක්ෂාව පමණක් නොව, ජාත්‍යන්තර ආරක්ෂාවද තහවුරු කිරීම සඳහා ගත් නිවැරදි ක්‍රියාමාර්ග බව ඔහු අවධාරණය කළේය.
ඇමරිකානු බලධාරීන් මීට පෙරද ට්‍රම්ප් ඉලක්ක කර ගනිමින් ඉරානය සමඟ සම්බන්ධ බවට සැක කෙරෙන ඝාතන සැලසුම් කිහිපයක් ව්‍යර්ථ කළ බවට ප්‍රකාශ කර තිබේ. එහෙත් එවැනි චෝදනා ඉරානය නිරන්තරයෙන් ප්‍රතික්ෂේප කරමින් සිටී.
මේ අතර, ඇතැම් ඇමරිකානු නිලධාරීන්ගේ අදහස වී ඇත්තේ, මෙම බුද්ධි තොරතුරු සහ ප්‍රකාශ ඉරානයට එරෙහි හමුදා ක්‍රියාමාර්ග සඳහා දේශපාලන සහ මහජන සහාය ශක්තිමත් කිරීමේ උත්සාහයක කොටසක් විය හැකි බවයි. කෙසේ වෙතත්, ට්‍රම්ප්ගේ මෙම ප්‍රකාශය සනාථ කරන ස්වාධීන සාක්ෂි මෙතෙක් ප්‍රසිද්ධ කර නොමැත.
ඉරානය සහ එක්සත් ජනපදය අතර පවතින ආරක්ෂක හා දේශපාලනික ආතතිය හමුවේ, මෙවැනි ප්‍රකාශ දෙරට අතර සබඳතා තවදුරටත් උණුසුම් කිරීමට හේතු විය හැකි බව ජාත්‍යන්තර විශ්ලේෂකයන් වැඩිදුරටත් පෙන්වා දෙන්නේ.
