අධ්යයන පොදු සහතික පත්ර සාමාන්ය පෙළ විභාගය සමත්ව උසස් පෙළ විභාගය සඳහා සුදුසකම් ලබන සිසු සිසුවියන් වෙනුවෙන් ශිෂ්යාධාර වැඩපිළිවෙලක් ආරම්භ කිරීමට ජනාධිපති රනිල් වික්රමසිංහ මහතා තීරණය කර තිබෙනවා. මේ සඳහා ජනාධිපති අරමුදලෙන් මුදල් වෙන් කරනු ඇත.
එක් අධ්යාපන කලාපයකින් මෙම ශිෂ්යත්ව වැඩසටහන සඳහා සිසු සිසුවියන් 30 ක් තෝරා ගන්නා අතර ඒ අනුව සමස්ත අධ්යාපන කලාප 99 න්ම සිසු සිසුවියන් 2970 ක් ශිෂ්යත්ව සඳහා සුදුසුකම් ලබනු ඇත.
එලෙස තෝරා ගන්නා ශිෂ්යත්වලාභීන්ට උසස් පෙළ සඳහා අධ්යාපනය ලබන වසර දෙක සඳහා මසකට රුපියල් 5000 ක දීමනාවක් හිමි වේ.
මෙම වර්ෂයේ සාමාන්ය පෙළ විභාගයේ ප්රතිඵල ලද වහාම පුවත්පත් දැන්වීම් හරහා සුදුසුකම් ලබන සිසු සිසුවියන් තෝරා ගැනීමට නියමිතය.
මෙම ශිෂ්යත්ව වැඩසටහන සම්බන්ධව පළාත් අධ්යාපන අධ්යක්ෂවරු, කලාප අධ්යාපන අධ්යක්ෂවරු සහ විදුහල්පතිවරු කඩිනමින් දැනුවත් කරන ලෙස ජනාධිපති ලේකම් සමන් ඒකනායක මහතා අධ්යාපන අමාත්යාංශයේ ලේකම්වරයා වෙත උපදෙස් දී ඇත.
UN