ශ්‍රී ලංකා වරාය අධිකාරියේ කළමනාකරණ අධ්යක්ෂ ගණක හේමචන්ද්‍ර වහාම ක්‍රියාත්මක වන පරිදි එම තනතුරෙන් ඉවත් කර තිබේ.
වරාය හා සිවිල් ගුවන් සේවා අමාත්‍ය අනුර කරුණාතිලක මහතා විසින් මේ බව ලිඛිතව දැනුම් දී ඇත.
ගණක හේමචන්ද්‍ර වරාය අධිකාරියේ කළමනාකරණ අධ්යක්ෂ ධුරයට පත්කරන ලද්දේ 2024 වසරේ වත්මන් රජය බලයට පත්වීමෙන් අනතුරුව ය. එවකට වරාය විෂය භාර අමාත්යවරයා වූයේ විජිත හේරත් මහතා ය.
කෙසේවෙතත් ගණක හේමචන්ද්‍රට එරෙහිව වරාය වෘත්තීය සමිති විසින් පසුගිය සමයේදී චෝදනා ගණනාවක්ම ඉදිරිපත් කර තිබුණු අතර ත්‍රිකුණාමලය වරායේ තිබූ නියමු යාත්‍රාවක් අක්‍රමවත් ලෙස භාවිත කරමින් රුපියල් කෝටි 20කට අධික මූල්‍ය පාඩුවක් රජයට සිදු කළ බවට චෝදනාවක් ද ඒ අතර විය.
