රෂිකා හෙන්නායක සැප්තැම්බර් 02, කොළඹ LNW :
ජාතික ජන බලවේගයේ පාර්ලිමේන්තු මන්ත්‍රීවරුන්ට එරෙහිව දිනන දකුණ සංවිධානය විසින් අල්ලස් හෝ දූෂණ චෝදනා විමර්ශන කොමිෂන් සභාවට පැමිණිල්ලක් ඉදිරිපත් කර තිබේ.
මෙම මන්ත්‍රීවරුන් තමන්ට හිමි වරප්‍රසාද දීමනා මහජන යහපතට යොදවනවා වෙනුවට ජනතා විමුක්ති පෙරමුණේ බැංකු ගිණුම්වලට බැර කිරීම හරහා දූෂණ විරෝධී පනත උල්ලංඝනය කර ඇති බව එහි සඳහන් වේ.
එම සංවිධානය ඉල්ලා සිටින්නේ අදාළ පක්ෂයේ බැංකු ගිණුම් පරීක්ෂා කර මන්ත්‍රීවරුන් 159 දෙනාගෙන්ම ප්‍රකාශ සටහන් කර ගනිමින් විධිමත් විමර්ශනයක් පවත්වන ලෙසයි.
2023 අංක 09 දරන දූෂණ විරෝධී පනත යටතේ මෙම ක්‍රියාව වරදක් බව පෙන්වා දෙමින් ඔවුන් මෙම නීතිමය පියවර ගෙන ඇත.
මේ හරහා දේශපාලන පක්ෂයක මූල්‍ය පරිහරණය පිළිබඳව නීතිමය මැදිහත්වීමක් අපේක්ෂා කරන බව පැහැදිලි වෙයි.
