රෂිකා හෙන්නායක සැප්තැම්බර් 04, කොළඹ LNW :
ලංකා ඛනිජ තෙල් නීතිගත සංස්ථාව විසින් නැප්තා සහ දැවිතෙල් මිල ගණන් පහත දැමීමට තීරණය කර ඇත.
ඒ අනුව, අද (04) මධ්‍යම රාත්‍රියේ සිට ක්‍රියාත්මක වන පරිදි නැප්තා ලීටරයක මිල රුපියල් 35කින් අඩු කර ඇති අතර එහි නව මිල රුපියල් 175කි.
මීට අමතරව, දැවිතෙල් ලීටරයක මිල රුපියල් 38කින් අඩු කර ඇති බැවින් පාරිභෝගිකයන්ට එය රුපියල් 210ක මුදලකට ලබාගත හැකිය.
සංස්ථාවේ කළමනාකරණ අධ්‍යක්ෂවරයා විසින් නිල වශයෙන් ප්‍රකාශයට පත් කරන ලද මෙම මිල සංශෝධනය මගින් කර්මාන්ත ක්ෂේත්‍රයේ පිරිවැය අඩු කිරීමට මහත් පිටුවහලක් ලැබෙනු ඇත.
