2025/2026 ගල් අඟුරු ටෙන්ඩරය ලබාගත් සැපයුම්කරු විසින් ප්‍රමිතියෙන් තොර ගල් අඟුරු සැපයීමේ සිද්ධියෙන් රටට හෝ විදුලි බිලට කිසිදු අමතර බරක් ඇති නොවූ බව හිටපු බලශක්ති අමාත්‍ය, පාර්ලිමේන්තු මන්ත්‍රී කුමාර ජයකොඩි මහතා පවසයි.
ප්‍රමිතියෙන් තොර ගල් අඟුරු නිසා ඇතිවූ අලාභය රුපියල් බිලියන 15.765ක් වුවත් අදාළ සැපයුම්කරුගේ කාර්ය සාධන ඇපකරය මගින් මේ වනවිටත් රුපියල් බිලියන 16.989ක් රජය විසින් රඳවාගෙන ඇති බවයි හිටපු අමාත්‍යවරයා සඳහන් කරන්නේ.
ඒ සම්බන්ධයෙන් ඒ මහතා තබා ඇති ෆේස්බුක් සටහන පහතින් දැක්වේ.
මෙම ගල් අඟුරු ගනුදෙනුව ඇතුළු 2009 වසරේ සිට ගල් අඟුරු ටෙන්ඩර් පිළිබඳ සොයාබැලීම සඳහා ජනාධිපති කොමිසමක් ද පත්කෙරුණු අතර එම කොමිසමේ විමර්ශනවලට ඉඩදෙමින් කුමාර ජයකොඩි මහතා මේ වනවිට තාවකාලිකව ඇමති ධුරයෙන් ඉල්ලා අස්වී සිටී.
