ලංකාවේ කැරම්වලට තවත් පදක්කම් දෙකක්

මැලේසියාවේ පැවත්වෙන 8 වන ලෝක කැරම් සූරතාවලියේ පිරිමි කණ්ඩායම් අංශයේ රිදී පදක්කමත්,කාන්තා කණ්ඩායම් අංශයේ ලෝකඩ පදක්කමත් ශ්‍රී ලංකාවට හිමි වුණා.

ශ්‍රී ලංකා පිරිමි කණ්ඩායම, ප්‍රබල ඉන්දියාව හමුවෙ තරග 03/00 අවසන් මහා තරගය පරාජයට පත් වුණා. මෙහිදී ඒකල තරගවලදී නිශාන්ත ප්‍රනාන්දු වත්මන් ලෝක ශූර ප්‍රසාන්ත් මෝරේ හමුවේ තරග වට 02/00 ලෙසත්, සහීඩ් හිල්මි හිටපු ලෝක ශුරයකු වන කෝමර්වේලි ශ්‍රීනිවාස් අතින් 02/00 ලෙසත් පරාජයට පත් වුණා. යුගල තරගයට සහභාගි වූ උදේශ් පෙරේරා සහ සුරාජ් මදුවන්ත, සන්දිප් ඩිව් සහ අබ්දුල් රහුමාන් හමුවේ පරාජයට පත් වුණේ තරග වට 02/00 ලෙසයි.

ශ්‍රී ලංකා කාන්තා කැරම් කණ්ඩායම වෙතින් බංග්ලාදේශය පරාජයට පත් වුණේ, තරග 03/00 ලෙසයි. එහිදී ජෝශප් රොශිටා සහ රෙබේකා ඩැලරින් ඒකල තරග 2/0 ලෙසත්, යුගල තරගය නිසංසලා මධුවන්ති සහ ටශ්මිලා කාවින්දි 02/00 ලෙසත් බංගලාදේෂ ක්‍රීඩිකාවන් පරාජයට පත් කරමින් ජය හිමි කරගත්තා.

RM