රෂිකා හෙන්නායක ඔක්තෝබර් 20, කොළඹ LNW :
ජාතික ජල සම්පාදන හා ජලාපවහන මණ්ඩලය විසින් නිකුත් කරන ලද නිවේදනයකට අනුව, හාරිස්පත්තුව පූජාපිටිය ජල පිරිපහදු මධ්‍යස්ථානයේ සිදුකෙරෙන අත්‍යවශ්‍ය නඩත්තු කටයුත්තක් නිසා ප්‍රදේශ රැසකට ජල සැපයුම තාවකාලිකව අත්හිටුවනු ලැබේ.
මෙම ජල බිඳවැටීම බදාදා උදෑසන 9.00 සිට සිකුරාදා සවස 3.00 දක්වා එනම් පැය 42ක කාලයක් පුරා ක්‍රියාත්මක වන බව සඳහන් වේ. මෙහිදී මැදවෙල, ගලගෙදර, මාවතගම සහ ගල්ලෙනවත්ත ඇතුළු අවට ප්‍රදේශ රැසක පාරිභෝගිකයන්ට ජල සැපයුම අහිමි වනු ඇත.
මේ හේතුවෙන් සිදුවන අපහසුතාවය පිළිබඳව මණ්ඩලය කණගාටුව ප්‍රකාශ කරන අතර, ජනතාවට මුහුණදීමට සිදුවන අපහසුතා අවම කර ගැනීම පිණිස පවතින ජලය අරපිරිමැස්මෙන් පරිභෝජනය කරන ලෙස ඉල්ලා සිටියි.
ඒ අනුව, හෙට 21 වන බදාදා දින පෙ.ව 09.00 සිට 23 වන සිකුරාදා දින ප.ව 3.00 දක්වා පැය 42ක කාලයක් මෙම ජල සැපයුම් අත්හිටුවීම ක්‍රියාත්මක වේ.
මැදවෙල (පැරණි) සේවා ජලාශය:
කැවුම්කොහේ පාර, ගෝණිගොඩ, ජයන්ති පාර, ගුරුකැවේ, පල්කුඹුර, ඉඩමේගම, අරඹේගම, ගොරොක්ගස් අංග පාර, එළමල්පත, කෝටුතැන්න, පෙතියාගොඩවත්ත, කළුවාන, බෝතොට, හරංකහතැන්න, දොඩම්තැන්න, කුඹුරේගෙදර, දෙඹරලොව, තිබ්බුට්ට සහ තලපැලැල්ලේගොඩ පාර.
මැදවෙල (නව) සේවා ජලාශය: බටුගොඩ, ඇහැඅළගස්හින්න, දිද්දෙණිය, ඕවිස්ස, වටගොඩ, දොඹගම්මන, හෑදෙණිය, සූරියකුඹුර, අඹරුප්ප, හරන්කහට, බොක්කාවල, වලතැන්න සහ පතිරාදා.
ගල්ලෙන වත්ත ප්‍රදේශය: ගල්ලෙනවත්ත සහ බාන් අංග.
ගලගෙදර ප්‍රදේශය: ගලගෙදර, වෑමඩ, බෝයගොඩ ආශ්‍රිත ප්‍රදේශ, රඹුක්කන පාර, පොහොලියද්ද පාර සහ කුරුණෑගල පාර.
මාවතගම ප්‍රදේශය: මාවතගම, බරන්දන පාර, රඹුක්කන පාර, පරගහදෙණිය, යටිවිල්ල, මිල්ලව සහ පිලැස්ස.
