රෂිකා හෙන්නායක ඔක්තෝබර් 22, කොළඹ LNW :
පාකිස්තානයේ රාවල්පින්ඩි ක්‍රීඩාංගණයේදී පැවති තුන්කොන් එක්දින ක්‍රිකට් තරගාවලියේදී, ශ්‍රී ලංකාවට එරෙහිව එංගලන්ත කණ්ඩායම පන්දුවාර 50 අවසානයේ කඩුලු 4කට ලකුණු 430ක දැවැන්ත ඉලක්කයක් ලබා දුන්නේය.
මෙහිදී අතිවිශිෂ්ට පිතිහරඹයක නිරත වූ එංගලන්ත නායක හැරී බෲක්, පන්දු 116කදී වේගවත් ලකුණු 202ක් රැස් කරමින් එක්දින ක්‍රිකට් ඉතිහාසයේ වේගවත්ම ද්විත්ව ශතකයේ හිමිකරුවා බවට පත් විය.
තවද, මෙම ඉනිම තුළ විල් ජැක් (66)*, ජෝ රූට් (69) සහ ටොම් බෙන්ටන් (50) ද අගනා අර්ධ ශතක ලබා ගනිමින් තම කණ්ඩායමේ ලකුණු සංඛ්‍යාව ඉහළ නැංවීමට ප්‍රබල දායකත්වයක් සැපයූහ.
ශ්‍රී ලංකා පන්දු යවන්නන් දැඩි ලෙස ප්‍රහාරයට ලක් වූ අතර, දුනිත් වෙල්ලාලගේ පමණක් ලකුණු 56කට කඩුලු 2ක් දවාගනිමින් සාර්ථක පන්දු යැවීමක නිරත විය.
එංගලන්තය රැස් කළ මෙම ලකුණු සංඛ්‍යාව පාකිස්තානයේදී කණ්ඩායමක් වාර්තා කළ ඉහළම එක්දින ලකුණු සංඛ්‍යාව ලෙසද ඉතිහාසගත විය.
