1. ශ්‍රී ලංකාව දරාගත නොහැකි ණය සහ දැඩි ගෙවුම් ශේෂ අර්බුදයකට මුහුණ දෙන බව ලෝක බැංකුව කියයි! – එය ආර්ථික වර්ධනයට සහ දරිද්‍රතාවයට ඍණාත්මක බලපෑමක් ඇති කරන බව ද කියා සිටී – ව්‍යුහාත්මක ප්‍රතිසංස්කරණ වැඩසටහනක් ක්‍රියාත්මක කිරීම ආර්ථික ස්ථාවරත්වය සඳහා ඉතා වැදගත් බව අනතුරු අඟවයි.
2. ආර්ථික අර්බුදය සම්බන්ධයෙන් ට්‍රාන්ස්පේරන්සි ඉන්ටර්නැෂනල් (Transparency International) ඇතුළු අනෙකුත් පාර්ශව විසින් ගොනු කරන ලද මූලික අයිතිවාසිකම් පෙත්සම් “ඉදිරියට ගෙන යාම” සඳහා ශ්‍රේෂ්ඨාධිකරණය ලබා දෙයි. – රුපියලේ අගය, ජාත්‍යන්තර මූල්‍ය අරමුදලෙහි සහාය ලබා ගැනීම සහ ජාත්‍යන්තර ස්වෛරී බැඳුම්කර (ISB) පියවීම ආදියට අදාළ මුදල් මණ්ඩලයේ තීරණ පිළිබඳ වාර්තාවක් ඉදිරිපත් කරන ලෙස විගණකාධිපතිට නියෝග කරයි – මූල්‍ය සහ ණය කළමනාකරණය පිළිබඳ වාර්තා ඉදිරිපත් කිරීමට ද විගණකාධිපතිවරයාට ද නියෝග කරයි.
3. කොළඹ නෙළුම් කුළුණ, “සිංගපෝර් ගෝ බන්ජි (Singapore Go Bungy)” සමඟ ශ්‍රී ලංකාවේ ප්‍රථම වරට “බන්ජි පැනීමේ” ක්‍රීඩාව ආරම්භ කිරීමට ගිවිසුම් අත්සන් කරයි – නෙළුම් කුළුණේ සිට බන්ජි පැනීම ලොව උසම බන්ජි පැනීම ලෙස නම් කල හැක.
4. ඩුබායි පොලිස් අත්අඩංගුවේ සිටි කුප්‍රකට මත්ද්‍රව්‍ය ජාවාරම්කරුවෙකු වන නදුන් චින්තක වික්‍රමරත්න හෙවත් “හරක් කටා” ට අදාළ ලිපිගොනු කොළඹ සිට ඩුබායි වෙත යැවීමේදී ආරක්ෂක අමාත්‍යංශය අතින් සිදුවූ ප්‍රමාදය හේතුවෙන් ඔහුව නිදහස් කළ බවට එල්ලවන චෝදනාව රජය ප්‍රතික්ෂේප කරයි.
5. ශ්‍රී ලංකා ඛනිජතෙල් නීතිගත සංස්ථාවට අයත් තෙල් පිරිපහදුව අද සිට වසා දැමීමට නියමිතයි – විදේශ විනිමය හිඟය නිසා බොරතෙල් නැව්ගත කිරීම ප්‍රමාද වේ – නැව්ගත කිරීම් 3ක් සඳහා ඇණවුම් කර ඇතත් ගෙවීම් සිදුකර ඇත්තේ 2කට පමණි – ප්‍රමාණවත් තෙල් තොග ඇති බැවින් කලබල වීමට හේතුවක් නොමැති බව බලශක්ති අමාත්‍ය කංචන විජේසේකර ප්‍රකාශ කරයි.
6. ව්‍යාපාරික ප්‍රජාවට ඉහළ පොලී අනුපාතයන් බලපාන්නේ නැති බව මහ බැංකු අධිපති ආචාර්ය නන්දලාල් වීරසිංහ ප්‍රකාශ කරයි – ව්‍යාපාරයක මූල්‍ය පිරිවැය උපරිම වශයෙන් සියයට 10 ක් පමණක් බව සපථ කරයි – මාස 3ක භාණ්ඩාගාර බිල්පත් අනුපාත දැන් වසරකට සියයට 32 ඉක්මවයි.
7. ආණ්ඩුක්‍රම ව්‍යවස්ථාවේ 22 වැනි සංශෝධන පනත් කෙටුම්පතේ දෙවන වර කියවීම පිළිබඳ පාර්ලිමේන්තු විවාදය ඔක්තෝබර් 20 සහ 21 යන දිනවල – මෙම දිනයන් පාර්ලිමේන්තු කටයුතු පිළිබඳ උපදේශක කාරක සභාවේදී එකඟ වූ දිනයන් වේ.
8. කොළඹ කොටස් වෙළෙඳපොළ අඛණ්ඩව 3 වැනි සතියටත් අලාභ වාර්තාකරමින් මෑත කාලයේ ඉහළම බිඳවැටීම සටහන් කරයි! – සාර්ව ආර්ථික ගැටලු හමුවේ ආයෝජකයන් සිත් තැවුලෙන් – සියලුම කොටස් මිල දර්ශකය (ASPI) සියයට 8.9 කින් පහත වැටේ – දෛනික පිරිවැටුමේ සාමාන්‍යය රු. බිලියන 2.9 කි.
9. අගෝස්තු මස ආනයන ඇ.ඩො. බිලියන 1.48 යි! – මාස හතරකින් ඉහළම මට්ටමට ළඟා වී ඇත – ආනයන සීමාකිරීම් සහ විදේශ විනිමය අර්බුදය පසෙකලා අඛණ්ඩව 4 වැනි මාසික ලාභය සනිටුහන් කරයි – කෙසේ වෙතත්, වසරින් වසර (YoY) ආනයන සියයට 12 කින් පහතට.
10. මහ බැංකු අධිපති ආචාර්ය නන්දලාල් වීරසිංහ, ජාත්‍යන්තර මූල්‍ය අරමුදලෙහි කාර්ය මණ්ඩල මට්ටමේ ගිවිසුම සම්බන්ධයෙන් දින හෝ අනෙකුත් විස්තර ලබා දීම ප්‍රතික්ෂේප කරයි! – ඔහු ඒ පිළිබඳව ‘නිහඬ පිළිවෙතක්’ අනුගමනය කරන බව ප්‍රකාශ කර සිටී – ණය හිමියන් සමඟ සාකච්ඡා සිදුවෙමින් පවතින බව ද පවසයි.
