වර්තමාන ආණ්ඩුව කැබිනට්ටුව රැස් කොට රැස්කොට අරුම පුදුම තීන්දුවක් ගන්නා බවත්, ඒ තීන්දුව වන්නේ ලංකාව අඩු ආදායම් ලබන රටක් බවට ප්‍රකාශයට පත් කිරීම බවත් විපක්ෂ නායක සජිත් ප්‍රේමදාස මහතා පැවසීය.
මේ අතිශයින් ඛේදනීය තත්ත්වයක් බවත් මැදි ආදායම් ලබමින් සිටින රටක් අඩු ආදායම් ලබන රටක් බවට කැබිනට් මණ්ඩලය විසින්ම පත් කර ගැනීම ඉතිහාසගත සරදමක් බවත් විපක්ෂ නායකතුමා පැවසීය.
මේ වන විට පොහොට්ටුවේ රාජපක්ෂවරු තමන්ගේ ගෝල බාලයින් ලවා අපූරු ප්‍රකාශ නිකුත් කරමින් සිටින බව පැවසූ විපක්ෂ නායකතුමා පත්වන ඕනෑම ජනාධිපතිවරයකු හෝ අගමැතිවරයකු පොහොට්ටුවේ මහින්ද රාජපක්ෂගේ රාජපක්ෂ ගේ බසට අනුගත විය යුතු යැයි එම ගෝලයින් ප්‍රකාශ කරන බවද පැවසීය.
විපක්ෂ නායක සජිත් ප්‍රේමදාස මහතා පසුගියදා(12) මේ බව ප්‍රකාශ කර සිටියේ මහනුවර කුණ්ඩසාලේ ප්‍රදේශයේ පැවති සමගි ජන ජනබලවේගයේ බල මණ්ඩල රැස්වීමක් අමතමිනි.
විවිධ උපාය උපක්‍රම අනුගමනය කරමින් ආණ්ඩුව උත්සහ කරන්නේ මැතිවරණ කල් දැමීමට බව පැවසූ විපක්ෂ නායකතුමා ජනාධිපතිවරයා ද ඊට අනුගත බවත් ජනාධිපති වරයාගේ ඒ අනුගතවීමට පොහොට්ටුව එක පයින් කැමති බවත් පැවසීය. නමුත් සමගි ජනබලවේගය ඉල්ලා සිටින්නේ මේ විකෘතිය නැති කිරීම උදෙසා මැතිවරණයක් පවත්වන ලෙස යැයි ද විපක්ෂ නායක තුමා ප්‍රකාශ කළේය.
MIAP
