පසුගිය මාස හයට සාපේක්ෂව මේ වනවිට කරවල මිල සැලකියයුතු ප්රතිශතයකින් අඩුවී තිබෙන බව කරවල ආනයනකරුවන්ගේ සංගමය පවසයි.
එම සංගමයේ උප සභාපති ආර්. ජී. විල්සන් මහතා පැවසුවේ මේ වනවිට 30% – 35% අතර ප්රතිශතයකින් කරවල මිල අඩුවී ඇති බවයි.
“පහුගිය කාලේ එක්ක බලද්දී කරවල මිලේ වෙනසක් වෙලා තියෙනවා. 30% – 35%ක අඩුවීමක් තියෙනවා කරවල. ඒකට හේතුව තමයි දේශීය නිෂ්පාදන එනවා. ඒ එක්කම පාරිභෝගිකයාට අමාරුකම් තියෙනවා. ඉස්සර කිලෝ එකක් ගත්තු අය දැන් අඩුවෙන් ගන්නේ. කට්ටා කරවල රුපියල් 2100 – 2200 ටත් ගියා. දැන් යන්නේ 1600 – 1700 අතර. බල කරවල රුපියල් 1200 – 1300 ටත් තිබුණා. දැන් තොග ගාණ වෙන්නේ රුපියල් 800 යි”
කරවල ආනයනකරුවන්ගේ සංගමයේ උප සභාපතිවරයා මේ බව පැවසුවේ ඊයේ (16) කොළඹදී පැවති මාධ්ය හමුවක් අමතමිනි.
RN
