1. ශ්‍රී ලංකා පොදුජන පෙරමුණ ඉදිරි මැතිවරණයට නව සන්ධානයක් සහ නව ලකුණක් යටතේ තරඟ කරන බවත්, කුමන සන්ධානයකින් ද ලකුණකින් ද යන්න පසුව තීරණය කරන බවත් ආණ්ඩු පක්ෂයේ ප්‍රධාන සංවිධායක ප්‍රසන්න රණතුංග ප්‍රකාශ කරයි – ශ්‍රී ලංකා පොදුජන පෙරමුණ එක්සත් ජාතික පක්ෂය සමඟ සන්ධානගත වන බවද පවසයි – වත්මන් පාලනය වික්‍රමසිංහ-රාජපක්ෂ ආණ්ඩුවක් ලෙස විස්තර කරයි.
2. එළැඹෙන මැතිවරණයේදී එක්ව තරඟ කිරීම සම්බන්ධයෙන් ශ්‍රී ලංකා පොදුජන පෙරමුණ සහ එක්සත් ජාතික පක්ෂය තවමත් එකඟතාවකට පැමිණ නැති බව එක්සත් ජාතික පක්ෂයේ මහලේකම් පාලිත රංගේ බණ්ඩාර ප්‍රකාශ කරයි – රට සංවර්ධනය කිරීම සඳහා ඕනෑම අයෙකු සමඟ එක්ව කටයුතු කිරීමට එක්සත් ජාතික පක්ෂය සූදානම් බවද පවසයි.
3. හිටපු යුධ හමුදාපති ජනරාල් ශවේන්ද්‍ර සිල්වා, පොලිස්පති චන්දන වික්‍රමරත්න හෝ වෙනත් කිසිවකු විසින් ඉකුත් මැයි 09 වන දින දේපළවලට හා ජනතාවට සිදුකළ හානි වැළැක්වීමට ජනාධිපති ගෝඨාභය රාජපක්ෂ ලබා දුන් නියෝගවලට අවනත නොවූයේ ද යන්න පිළිබඳව පරීක්ෂණයක් පවත්වන ලෙස බලධාරීන්ට නියෝග කරන මෙන් ඉල්ලා ශ්‍රී ලංකා පොදුජන පෙරමුණේ මන්ත්‍රීවරු කිහිප දෙනෙක් අභියාචනාධිකරණයට පෙත්සමක් ගොනු කරති.
4. වත්මන් අර්බුදයට මැතිවරණයක් පැවැත්වීම විසඳුමක් නොවන බව විදේශ අමාත්‍ය අලි සබ්රි ප්‍රකාශ කරයි – කළ යුතු ව්‍යුහාත්මක ප්‍රතිසංස්කරණ මත විසඳුම රඳා පවතින බව ද පවසයි – එම ප්‍රතිසංස්කරණ සිදුකිරීමට ජනාධිපති රනිල් වික්‍රමසිංහ තරම් දැනුමක් සහ හැකියාවක් ඇති කිසිවෙකු නැති බව ද පවසයි – ජනාධිපතිවරයාගේ නායකත්වය පිළිබඳව ජනතාව සතුටු බවත් එය මහ පොළවේ යතාර්ථය බවත් පවසයි.
5. ගල් අඟුරු තාප බලාගාර ක්‍රියාත්මක කිරීම සඳහා දකුණු අප්‍රිකාවෙන් ගල් අඟුරු ආනයනය කිරීමට මාස කිහිපයකට පෙර සිට සැලසුම් කර ඇති බව ලංකා ගල් අඟුරු සමාගමේ සභාපති ෂෙහාන් සුමනසේකර ප්‍රකාශ කරයි – තාප බලාගාරවල ගල් අඟුරු හිඟය හේතුවෙන් 2023 මාර්තු සිට රට විදුලිය ඇණහිටීම් වලට මුහුණ දෙනු ඇතැයි ලංකා විදුලි බල මණ්ඩලයේ ඉංජිනේරුවන් පවසන්නේ මන්දැයි තමාට නොවැටහෙන බව ද පවසයි.
6. මීගමුව-කටුවාපිටියේ පාස්කු ඉරිදා බෝම්බ ප්‍රහාරයෙන් මියගිය අයගේ ඥාතීන් විසින් රනිල් වික්‍රමසිංහට එරෙහිව පවරා ඇති නඩු වික්‍රමසිංහ ජනාධිපති ධූරය දරන තාක් කල් තැබීමට මීගමුව අතිරේක දිසා විනිසුරු නුවන් තාරක හීනටිගල නියෝග කරයි – ආණ්ඩුක්‍රම ව්‍යවස්ථාවේ 35(1) වගන්තිය අනුව ඔහුට ඒ සඳහා මුක්තිය ඇති බව ද ප්‍රකාශ කරයි.
7. බස්නාහිර පළාතේ පාසල් 122ක් ආසන්නයේ සිදුකළ මත්ද්‍රව්‍ය වැටලීමකදී පුද්ගලයන් 75 දෙනෙකු අත්අඩංගුවට ගෙන ඇත – එහිදී ‘මාවා’ කිලෝග්‍රෑම් 2.148ක්, හෙරොයින් ග්‍රෑම් 9.345ක්, අයිස් (ICE) ග්‍රෑම් 1.522ක් සහ එක්ස්ටසි පෙති 10ක් සොයා ගන්නා ලදී.
8. මෙම වසරේ මේ දක්වා සැකකරුවන් 45,801ක් සමඟ හෙරොයින් කිලෝග්‍රෑම් 1,441ක්, සැකකරුවන් 34,062ක් සමඟ ගංජා කිලෝග්‍රෑම් 11,881ක් සහ සැකකරුවන් 10,532ක් සමඟ අයිස් කිලෝග්‍රෑම් 109ක් අත්අඩංගුවට ගෙන ඇති බව පොලිස් මාධ්‍ය ප්‍රකාශකවරයා අනාවරණය කරයි.
9. පාන් මිල රුපියල් 10කින් අඩු කර ඇති බව සමස්ත ලංකා බේකරි හිමියන්ගේ සංගමයේ සභාපති එන් ජයවර්ධන නිවේදනය කරයි.
10. දකුණු ඉන්දියාව (පුදුචේරි) සහ කන්කසන්තුරේ අතර යාත්‍රා සේවාවක් ආරම්භ කිරීමට ශ්‍රී ලංකාවේ සමාගම් 3ක් කැමැත්ත පළ කර ඇති බව වරාය, නාවික හා ගුවන් සේවා අමාත්‍යාංශයේ නිලධාරියකු පවසයි – 2023 ජනවාරි හෝ පෙබරවාරි මාසයේ දී සේවාව ආරම්භ කිරීමට බලාපොරොත්තු වන බව තහවුරු කරයි.