ලෝක ප්‍රකට මිචෙලින් ටයර් සමාගම ශ්‍රී ලංකාවේ සිය ව්‍යාපාරික කටයුතු තවදුරටත් ව්‍යාප්ත කිරීමට ශ්‍රී ලංකා ආයෝජන මණ්ඩලය සමග ගිවිසුම්ගතව තිබේ.
ප්‍රංශයේ ස්ථාපිත බහුජාතික සමාගමක් වන මිචෙලින් ටයර් සමාගම ලොව දෙවැනි විශාලතම ටයර් නිෂ්පාදකයා වේ.
එම සමාගම ශ්‍රී ලංකාවේ ව්‍යාපාරික කටයුතු තවදුරටත් පුළුල් කරමින් ඇමරිකානු ඩොලර් මිලියන 20.94 ක අතිරේක ආයෝජනයක් සිදුකිරීමට නියමිත ය.
ඒ සඳහා ගිවිසුම් අත්සන් තැබීම පසුගිය සතියේදී ශ්‍රී ලංකා ආයෝජන මණ්ඩල කාර්යාලයේදී සිදුකෙරිණි.
ශ්‍රී ලංකා ආයෝජන මණ්ඩලයේ සභාපති දිනේෂ් වීරක්කොඩි මහතා සහ මිචෙලින් සමාගමේ නියෝජිතයින් ඇතුළු පිරිසක් එම අවස්ථාවට සහභාගී වූහ.
RN
