දිනේෂ් ෂාෆ්ටර් මහතාගේ වැඩිමහළු සහෝදරයා වන ප්‍රකාශ් ෂාෆ්ටර් මහතා කොළඹ අතිරේක මහේස්ත්‍රාත් රජීන්ද්‍රා ජයසූරිය මහත්මිය ඉදිරියේ දිනේෂ් ෂාෆ්ටර් මහතාගේ මරණය වෙනුවෙන් අද (23) මරණ පරීක්ෂණ සාක්ෂි ලබා දුන්නේය.
අද (23) පස්වරු 1. 00ට පමණ ආරම්භ වූ සාක්ෂි ලබාදීම විනාඩි හතලිස් පහක පමණ කාලයක් සාක්ෂිය ලබා දුන් අතර මෙම සාක්ෂිය සටහන් කර ගැනීම කෙරුණේ මහේස්ත්‍රාත් නිල මැදිරිය තුළදීය.
ඒ හේතුවෙන් මරණ පරීක්ෂණයේ සාක්ෂි ලබාගැනීම වාර්ථා කිරීමට අධිකරණ මාධ්‍යවේදීන්ට නොහැකි විය.
මෙම මරණයට අදාළ නඩු භාණ්ඩ කිහිපයක් අපරාධ පරීක්ෂණ දෙපාර්තමේන්තුව විසින් අධිකරණයට ඉදිරිපත් කරනු ලැබූ අතර එහිදී මහේස්ත්‍රාත්වරිය එම නඩු භාණ්ඩ රජයේ රස පරීක්ෂකවරයා වෙත යවා වාර්තා කැඳවීමට නියෝග කර ඇත.
රෂිකා හෙන්නායක
