මානව හිමිකම් කොමිසම විසින් පවසන ආකාරයට ,උසස් පෙළ සිසුන්ගේ විභාගය අවසන් වන තුරු අඛණ්ඩ විදුලි සැපයුමක් ලබාදෙන ලෙස කියා සිටියත්, ඒ සඳහා අවශ්‍ය අතිරේඛ මුදල් සම්පාදනය කර ගැනීමේ දැඩි මුල්‍ය අර්බුදයක ලංකා විදුලිබල මණ්ඩලය පසුවන බව විදුලිබල මණ්ඩලයේ සභාපති නලින්ද ඉලංගකෝන් මහතා පවසයි .
ලංකා විදුලිබල මණ්ඩලයේ නිලධාරීන් මානව හිමිකම් කොමිසමට විදුලිය ලබාදීමේ එකඟතාවක් පල කර තිබුණ ද මානව හිමිකම් කොමිසමෙන් තමන්ට මෙතෙක් ලිඛිතව ඒ බව දැනුම් නොදුන් බවද පැවසූ ඉලංගකෝන් මහතා සිසුන්ගේ විභාග කටයුතු සඳහා අඛණ්ඩ විදුලි සැපයුමක් ලබාදීමට නම් රුපියල් බිලියන 4.1ක මුදලක් අමතරව ලංකා විදුලි බල මණ්ඩලයට වැය කිරීමට සිදුවන බවද කියයි.
රෂිකා හෙන්නායක
