බෞද්ධ හා පාලි විශ්වවිද්යාලය උපකුලපති මහාචාර්ය නෙලුවේ සුමනවංශ නා හිමියන් පවසන්නේ මෙම මස 27 වැනි දා පළමු වසරේ සිසුන්ට විවෘත කරන බවයි.
උන්වහන්සේ වැඩිදුරටත් ප්රකාශ කළේ, සිසුන් සියල්ලන්ම ගෙනවිත් විවෘත කරන ලෙසට සිසුන් ඉල්ලුම් කළ ද එය කිරීමට හැකියාවක් නොමැති බවයි . පියවරෙන් පියවර සිසුන් සඳහා විශ්වවිද්යාලය විවෘත කරන ලෙසට පාලක සභාව ප්රකාශ කර ඇති බව ද උපකුලපති මහාචාර්ය නෙලුවේ සුමනවංශ නා හිමියන් පවසති.
මේ අතර මාස දෙකක කාලයක් වසා දමා ඇති ශ්රී ලංකා බෞද්ධ හා පාලි විශ්වවිද්යාලය නැවත විවෘත කරන්නැයි ඉල්ලමින් විශ්වවිද්යාලයේ මහා ශිෂ්ය සංගමයේ ශිෂ්ය භික්ෂූන් වහන්සේ ඊයේ පස්වරුවේ විරෝධතාවක් ආරම්භ කළ අතර , ඊට පොලීසිය බාධා කිරීම නිසා උණුසුම් තත්ත්වයක් ඇති වුණි. අවසානයේ තත්ත්වය සමනය කිරීමට කඳුලුගෑස් සහ ජල ප්රහාරයක් එල්ල කිරීමට ද පොළීසියට සිදුවිය.
රෂිකා හෙන්නායක
