ලෝකයේ සාගර ජෛව විවිධත්වය ආරක්ෂා කිරීම, දැවැන්ත සමුද්‍ර පරිසර පද්ධති සංරක්ෂණය සහ තිරසාර භාවිතය සඳහා ඒකාබද්ධ ගිවිසුමක් ඇති කිරීම අරමුණුව එක්සත් ජාතීන්ගේ සාමාජිකයින්ගේ මූලිකත්වයෙන් පසුගිය පෙබරවාරි 20 වන දින එක්සත් ජනපදයේ නිව් යෝර්ක්හි ඇරඹි සමුළුව එකඟත්වයකින් තොරව නිමා වීමට ආසන්න බව වාර්තා වේ.
මේ සම්බන්ධයෙන් විදෙස් මාධ්‍ය වාර්තා කර තිබුණේ සමුද්‍ර ආරක්ෂිත ප්‍රදේශ නිර්මාණය කිරීමේ ක්‍රියා පටිපාටිය, මහ මුහුදේ සැලසුම් කර ඇති ක්‍රියාකාරකම් පිළිබඳ පාරිසරික බලපෑම් අධ්‍යයනය සඳහා ආදර්ශය සහ අලුතින් සොයා ගන්නා ලද සාගර සම්පත්වල විභව ප්‍රතිලාභ බෙදා ගැනීම ආදිය පිළිබඳව නොවිසඳුන ආරවුල් හේතුවෙන් තීරණයකින් තොරව සාගර සමුළුව නිමාවනු ඇති බවයි.
සශිකලා මධුෂාණී_
