මෙරට ප්‍රබල මත්ද්‍රව්‍ය ජාවාරම්කරුවන් හා පාතාල නායකයින් වන පුද්ගලයින් දෙදෙනෙකු ඇතුළු 8 දෙනෙකු මැඩගස්කරයේදී එරට ආරක්ෂක අංශ විසින් අත් අඩංගුවට ගෙන තිබේ.
නඳුන් චින්තක නොහොත් හරක්කටා සහ සළීඳු මල්ෂික නොහොත් කුඩු සළිඳු එම පිරිස අතර වන බවයි විදෙස් මාධ්‍ය වාර්තා කර ඇත්තේ. එමෙන්ම හරක්කටාගේ බිරිඳ වන මැලගාසි ජාතික කාන්තාවක් ද එම පිරිස අතර සිටින බව සඳහන්.
ඔවුන් පසුගිය පෙබරවාරි 12 වනදා මැඩගස්කරයේ නොසිබි ගුවන් තොටුපළට පෞද්ගලික ජෙට් යානයකින් පැමිණ ඇති අතර සුපිරි ධනවතුන් වශයෙන් පෙනී සිට ඇත.
මෙම පිරිස අත් අඩංගුවට පත්ව ඇත්තේ මාර්තු 01 වනදා ඉවාටෝ ගුවන් තොටුපළෙන් එරටින් පිටව යාමට පැමිණි අවස්ථාවේදී බවත් විදෙස් මාධ්‍ය වාර්තා කර ඇත.
RN
