තායිලන්තයේ සමාගමක රැකියා ලබාදෙන බව පවසමින් සංචාරක වීසා මත පුද්ගලයින් ලාඕසයට රැගන ගොස් අතරමං කර මුදල් වංචා කිරීමේ චෝදනා මත අම්බලන්තොට ප්‍රාදේශීය සභාවේ ජාතික ජන බලවේගයේ අපේක්ෂකයකු අත් අඩංගුවට ගෙන තිබේ.
අදාළ චෝදනා එල්ල වීමෙන් පසුව මෙම සැකකරු විදේශ සේවා නියුක්ති කාර්යාංශයේ විමර්ශන නිලධාරීන් මඟහරිමින් සැඟව සිට ඇති අතර ඊයේ (09) දිනයේදී ඔහු නීතීඥයකු මාර්ගයෙන් එම කාර්යාංශයට භාරවීමෙන් අනතුරුව අත් අඩංගුවට ගෙන ඇති බව සඳහන්.
මෙම සැකකරු පිළිබඳව පසුගියදා පාර්ලිමේන්තුවේ ද අදහස් පළ වූ අතර ඉන් අනතුරුව ඔහු නීතීඥයකු මාර්ගයෙන් මෙසේ භාර වී ඇත. ඔහුව අද (10) හම්බන්තොට මහේස්ත්‍රාත් අධිකරණයට ඉදිරිපත් කිරීමට නියමිත ය.
RN
