බදු පනතට එරෙහිව අද (15) ලංකා බැංකු සේවක සංගමයේ සාමාජිකත්වය දරන රාජ්‍ය හා පෞද්ගලික බැංකු 18ක් වැඩවර්ජනයට එක්ව සිටින අතර දැන්වත් සඳළුතලෙන් බැස ප්‍රායෝගික විසඳුම් දෙන ලෙස එම සංගමය අද මාධ්‍ය වෙත අදහස් දක්වමින් අවධාරණය කළේය.
එහි සභාපති චන්න දිසානායක මහතා සඳහන් කළේ ජනාධිපති ලේකම්වරයා සමඟ කළ සාකච්ජාවේදී බදු සංශෝධනය කිරීමට එකඟවුවත් ඊයේ පස්වරුව වන විටත් එය ලිඛිතව ලබාදීමට ඔවුන් අපොහොසත් වූ බවයි.
ඒ අනුව වෘත්තීයවේදීන්ගේ වෘත්තීය සමිති එකමුතුව ලෙස නියම කර තිබුණු පරිදි වැඩවර්ජනය ක්‍රියාත්මක කළ බවයි ඔහු කියාසිටියේ.
කෙසේවෙතත් මෙම වර්ජනය කඩාකප්පල්කිරීමට ඇතැමුන් උත්සහ කරමින් තිබෙන නමුත් බදු සංශෝධනය ජයග්‍රහණය කරන තෙක් වෘත්තීය සමිති ක්‍රියාමාර්ග අඛණ්ඩව සිදුකරන බවයි ලංකා බැංකු සේවක සංගමය වැඩිදුරටත් ප්‍රකාශ කළේ.
ආශිකා බ්‍රාහ්මණ
