සටහන – රෂිකා හෙන්නායක
කොළඹ (LNW): පාසල් බෑග් සහ සපත්තු මිල පහත දැමීම සඳහා කඩිනම් පියවර ගන්නා බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා පවසයි.
අමාත්‍යවරයා ඒ බව පැවසුවේ, ඊයේ (11) මුදල් අමාත්‍යාංශයේ පැවති සකච්ඡාවකට එක්වෙමිනි.
වෙළෙඳ හා ආයෝජන ප්‍රතිපත්ති දෙපාර්තමේන්තුවට එහිදී අමාත්‍යවරයා නියෝග කළේ , ඩොලරය අවප්‍රමාණයවීමට සාපේක්ෂව දේශීය වෙළෙඳපොළේ බෑග් සහ සපත්තු මිල ද පහළ යා යුතු බවත් , ඒ පිළිබඳ සොයා බලා සතියක් තුළ වාර්තාවක් ලබා දෙන ලෙසත්ය .
අමාත්‍යවරයා තවදුරටත් පැවසූවේ පාසල් බෑග් හා සපත්තුවල මිල වෙළඳපොළේ පහළ යාමක් සිදුව නොමැති නම් ඒ සම්බන්ධයෙන් වහාම ජනාධිපතිවරයා දැන්වත් කර මිල අඩු කිරීමට යොමු වන බවයි .
නව පාසල් වාරය ආරම්භ වීමත් සමග දරුවන් වෙනුවෙන් සපත්තු සහ බෑග් මිල දී ගැනීමේ දී මාපියන් දැඩි අපහසුතාවට පත් ව සිටින බැවින් මෙම තීරණය ගත් බව රාජ්‍ය අමාත්‍ය සියඹලාපිටිය පැවසීය .
