හිටපු අමාත්‍ය මර්වින් සිල්වා මහතාගේ ප්‍රධානත්වයෙන් නව දේශපාලන ව්‍යාපාරයක් ආරම්භ කිරීමට නියමිත බව ආරංචිමාර්ග පවසයි.
ඒ අනුව, ජුලි 08 වනදා කැළණියේදී මෙම නව දේශපාලන ව්‍යාපාරය එළිදැක්වීමට කටයුතු සූදානම් කර ඇති බව සඳහන්.
එක්තරා ප්‍රබල රටක සහාය ඇතිව ආරම්භ කෙරෙන මෙම නව දේශපාලන ව්‍යාපාරය දැනට රටේ පවතින සියලුම ප්‍රධාන ධාරාවේ දේශපාලන පක්ෂවලට දැඩි විවේචනයක් එල්ල කරමින් දියත් කෙරෙනු ඇති බවත් වාර්තා විය.
ඒ සඳහා දැනට විදෙස්ගතව සිටින වෘත්තිකයින් පිරිසකගේ ද දායකත්වය ලැබී ඇති අතර මෙම ව්‍යාපාරය ආර්ථික, සමාජයීය, දේශපාලන සියලුම අංශ ආවරණය වන පරිදි පුළුල් ලෙස සිය මෙහෙයුම් කටයුතු සිදුකිරීමට නියමිත බවත් ආරංචිමාර්ග පැවසීය.
RN
