ශ්රී ලංකාවේ පොලිස්පති ධුරය දැන් දින තුනක් තිස්සේ හිස්ව පවතී.
ඒ, හිටපු පොලිස්පති සී.ඩී. වික්රමරත්න මහතාට ලබාදී තිබුණු සේවා දිගුව ජුනි 26 වනදායින් අවසන් වීමත් සමග ය.
වික්රමරත්න මහතා මේ වනවිට නිල වශයෙන් විශ්රාම ගොස් ඇති නිසා ඔහුට යළිත් සේවා දිගුවක් ලබාදීමටත් නොහැක.
නව පොලිස්පතිවරයකු පත්කිරීමත් තරමක් දීර්ඝ ක්රියාදාමයකි. ජනාධිපතිවරයා විසින් පොලිස්පති ධුරයට නමක් ආණ්ඩුක්රම ව්යවස්ථා සභාවට දන්වා යැවිය යුතුය, ආණ්ඩුක්රම ව්යවස්ථා සභාව රැස්විය යුතුය, ඔවුන් එය අනුමත කළ යුතුය, ඉන්පසුව ජනාධිපතිවරයා විසින් අදාළ පත්කිරීම සිදුකළ යුතුය.
එහෙත් මේ කිසිවක් සිදුවන බවක් පෙනෙන්නට නැත.
පොලිසිය භාරව ඇත්තේ මහජන ආරක්ෂක අමාත්යාංශය යටතට ය. මහජන ආරක්ෂක අමාත්ය ටිරාන් අලස් මහතා ප්රශස්ථ ලෙස සිය සේවය ඉටුකරමින්, අදාළ වගකීම් දරමින් සිටින නිසා ජනාධිපතිවරයාත් නිශ්ශබ්දව සිටින බවක් පෙනේ.
RN
