දකුණ සහ බස්නාහිර යන පළාත් දෙකෙහි පාතාල කල්ලි ක්රියාකාරකම් මර්දනය කිරීම සඳහා පොලිස් විශේෂ කාර්ය බලකායේ (STF) කණ්ඩායම් යොදවමින් විශේෂ මෙහෙයුම් ආරම්භ කර තිබේ.
මහජන ආරක්ෂක අමාත්ය ටිරාන් අලස් මහතාගේ නියෝගයක් අනුව මෙම විශේෂ මෙහෙයුම් සිදුකෙරේ.
ඒ අනුව, මෙම පාතාල මර්දන මෙහෙයුම් සඳහා දකුණු පළාතෙන් විශේෂ කණ්ඩායම් 20ක් ද බස්නාහිර පළාතෙන් විශේෂ කණ්ඩායම් 15ක් ද යොදවා ඇති බව වාර්තා විය.
එමෙන්ම මේ සඳහා පොලිස් විශේෂ කාර්ය බලකායේ ක්ෂණික විහිදුම් යතුරුපැදි ඒකක නිලධාරීන් ද යොදවා ඇත.
මීට අමතරව පාතාල නායකයින් සහ ඔවුන්ගේ ගෝලයින් සැඟවී සිටින ස්ථානත් ගිනිඅවි ඇති ස්ථානත් ගැන තොරතුරු සෙවීම සඳහා පොලිස් විශේෂ කාර්ය බලකායේ බුද්ධි අංශ නිලධාරීන් ද යොදවා ඇති බවත් සඳහන්.
RN
