ශ්‍රී ලංකාවේ ඩොලර් හිඟයක් උද්ගතව ඇත්තේ අපට ඩොලර් නොමැති නිසා බවට බොහෝ දෙනා සිතුවත් එම මතය සාවද්‍ය බව ශ්‍රී ලංකා මහබැංකු අධිපති අජිත් නිවාඩ් කබ්රාල් මහතා පවසයි.
“බොහෝ දෙනෙක් හිතන්නේ අපට ඩොලර් හිඟයක් ඇතිවී තිබෙන්නේ අපට ඩොලර් නැති නිසා කියලායි. අපට ඩොලර් නැතිනම් අපි කොහොමද ගිය අවුරුද්දේ ඇමරිකානු ඩොලර් බිලියන 22ක භාණ්ඩ ආනයනය කළේ ? ඒ වගේම කොහොමද අපි පසුගිය මාසයේදී ඩොලර් බිලියන දෙකක භාණ්ඩ ආනයනය කළේ ? ඒ නිසා අපට අනිවාර්යයෙන්ම ඩොලර් තිබෙනවා. ඒ වගේම ඩොලර් සඳහා අධික ඉල්ලුමකුත් තිබෙනවා. ඒක නරක දෙයක් නෙවෙයි. එතකොට අපට විදේශ විනිමය හොයාගන්න වෙනවා ඊට සහාය දෙන්න. එවැනි අවස්ථාවක ඩොලර් නියමිත ක්‍රමවේදයෙන් පරිබාහිරව භාවිතා වෙනවා නම් එය අඩුකිරීම හෝ විකල්ප ක්‍රියාමාර්ග හඳුන්වාදීම අපේ යුතුකමක් සහ වගකීමක් වෙනවා”
මහබැංකු අධිපතිවරයා මේ බව පැවසුවේ ඊයේ (08) කොළඹදී පැවති උත්සවයක් අමතමිනි.
RN
