සටහන – රෂිකා හෙන්නායක
කොළඹ (LNW): ජනාධිපති රනිල් වික්‍රමසිංහ මහතා සමග ඉන්දීය නිල සංචාරයට එක් වූ ජල සම්පත් හා වතු යටිතල පහසුකම් පිළිබඳ අමාත්‍ය ජීවන් තොන්ඩමන් මහතා NDTV මාධ්‍ය වෙත සම්මුඛ සාකච්ඡාවක් ලබාදෙමින් පවසා සිටියේ , 13 වන ව්‍යවස්ථා සංශෝධනය ක්‍රියාත්මක කිරීම සම්බන්ධයෙන් ඉදිරියේදී ජනාධිපති රනිල් වික්‍රමසිංහ මහතා විසින් සර්වපාක්ෂික හමුවක් කැඳවීමට නියමිත බවයි.
අමාත්‍ය ජීවන් තොන්ඩමන් මහතා පවසන්නේ , 13 වන සංශෝධනය ක්‍රියාත්මක කිරීම තුළින් සියලු පළාත්වලට ස්වයං පාලනයක් ලැබෙන බව අවධාරණය කරගත යුතු බවයි.
ආර්ථික අර්බුදය, කොවිඩ් වසංගතය සහ තවත් බොහෝ ගැටලු ඔස්සේ ශ්‍රී ලංකාව මේ වන විට නිවැරදි මාර්ගයට පැමිණ ඇති බවත් , ඉන්දු – ලංකා ධීවර ගැටලුව සම්බන්ධයෙන් වන ස්ථිර විසඳුමක් සඳහා කටයුතු කරන බවත් ජීවන් තොන්ඩමන් අමාත්‍යවරයා මාධ්‍ය වෙත කියා සිටියා.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
