සුදු අධිරාජ්යවාදීන් විසින් වතුකම්කරුවන් මෙරටට රැගෙන ආවේ වතුකරේ යෝජිත වැවිලි කර්මාන්තයට ඇවැසි වතු වහලුන් ලෙසය. නමුත් ඒ කාලෙ අප්රිකාවෙන් යුරෝපයට වතු වහලුන් ලෙස රැගෙන ගිය වහල් පරම්පරාවේ එකෙක් කාලයාගේ ඇවෑමෙන් බලවත් රටක ජනාධිපති වන තෙක්ම අපේ රටේ වතු වහළුන් සදා වතු වහලුන්මය.
එය එසේ වූයේ සිංහල පාලකයන්ගේ එකතැන ඝනීභූත වූ නරුමකම නිසාය.
එසේම දශක ගානක් තිස්සේ වතුකරේ දෙමළ ජනයා එදාමෙදා තුර පත්වූ සියළු ආන්ඩුවලට උගස් තබමින් ආන්ඩුවල බර ඇමතිකම් කීපයක් රැගෙන වතුකම්කරුවන් සූරාකෑමට ආන්ඩු ගෙනා සියලු අනපනත් වලට අත් දෙකම ඔසවා පසුව වතු ජනයා ලඟට පාවඩ මල්මාල මතින් ගොස් රජිනි කාන්ත්ලා වූ තොන්ඩමාන් හැතිකරේ ඊටවඩා දෙගුණයක් නරුමය.
පරම්පරාවෙන් පරම්පරාවට කරගෙන ආ මේ පාදඩ රංගනයේ නරුමම චරිතය ලෙස දැන් කරළියට එමින් සිටින්නේ ජීවන් තොන්ඩමාන් ඇමතිවරයාය. වතු කම්කරුවන්ට උන් හිටි තැන් අහිමිවීමට උත්තර හොයාගත යුත්තේ තමන් ලැග සිටින ආන්ඩුව තුලින්මය, ඔවුන් කරට අත දාගෙන ලෝකෙ වටේ එකට සවාරි යන ආන්ඩු කරනන්ගෙනි, ඒ මිස දෙමළ ජනයා හමුවේ කරන ලුම්පිත රජිනි කාන්ත් රංගන තුලින් නොවේ.
තොන්ඩමාන්ලාගේ ඉතිහාසය ආරම්බර වන්නේ වතුකම්කරුවන් ලෙසින් මෙරටට පැමිණ වතුකම්කරුවන්වම කුළී කම්කරුවන් ලෙස සපයා මුදල් උපයාගත් කල්ලර් නැමති කුලයට අයත් පරපෝෂිතයන් ලෙසය. ඔවුහු එදා සිට අදා දක්වාම දෙමළ මිනිසුන්ව උගස් තැබීමේ රැකියාව ජයටම කරගෙන ගියෝය …
RN
