සටහන – රෂිකා හෙන්නායක
කොළඹ (LNW): ගාලු පාරේ රථවාහන ධාවනය සීමා කිරීමට තීරණය කර ඇත. ඒ සීනිගම දේවාලයේ වාර්ෂික මහා පෙරහර හේතුවෙනි. අද (01) සිට ලබන 04 වනදා දක්වා එම ප්‍රදේශය ආශ්‍රිත මාර්ගයේ වාහන ගමන් ගන්නා ආකාරයේ වෙනසක් කර ඇත.
ඒ අනුව ගාල්ල දෙස සිට කොළඹ දෙසට ගමන් ගන්නා රථවාහන තදබදයක් ඇති නොවන අයුරින් අවස්ථානුකුලව පෙරහැර ගමන් ගන්නා මාර්ගය ඔස්සේම යොමුකිරීමට නියමිතය.
තවද, පොලිස් මූලස්ථානය පවසන්නේ කොළඹ දෙස සිට ගාල්ල දෙසට ගමන් ගන්නා රථවාහන මීටියාගොඩ පොලිස් වසමේ කහව හන්දියෙන් හරවා මිටීයාගොඩ, කිරළගහවෙල හන්දියෙන් වමට හරවා අලුත්වල, සරණ හන්දිය, ගෝනපීනුවල හතරමංහන්දිය හරහා කුමාරකන්ද හන්දිය ඔස්සේ ගාලු පාරට පිවිසිය හැකි බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
