*
දේශීය පුවත් විස්තරය: සාරාංශය 09/17
- දේශීය ණය ප්‍රශස්තකරණ බරෙහි තමාට අයත් කොටස දරන මෙන් විපක්ෂ නායක සජිත් ප්‍රේමදාස පෞද්ගලික ණය ලබා දෙන්නන්ගෙන් සහ සුපිරි ධනවතුන්ගෙන් ඉල්ලා සිටියි: මෙම කරුණේ දී රජයේ ප්‍රවේශය විනාශකාරී බවට චෝදනා කරයි: මෙම ධනවත් කණ්ඩායම් ණය ප්‍රතිව්‍යුහගත කිරීමේ බරින් මුදා හැර එය සම්පූර්ණයෙන් ම කම්කරු පන්තිය මත පවරන බවට රජයට චෝදනා කරයි.
- ආනයනික භාණ්ඩ සීමා කිරීම සහ අධික පිරිවැය හේතුවෙන් 2023 පළමු මාස 08 තුළ ගුවන් තොටුපොළවල භාණ්ඩ ප්‍රවාහනය 15% කින් අඩු වී ඇති බව ගුවන් තොටුපොළ හා ගුවන් සේවා පවසයි.
- රජයේ රෝහල්වල ශල්‍යකර්ම සහ අනෙකුත් ක්‍රියා පටිපාටි සඳහා නිර්වින්දන විශේෂඥ වෛද්‍යවරුන් සම්බන්ධයෙන් දැඩි හිඟයක් පවතින බව වාර්තා වේ.
- ශ්‍රී ලංකාව චීනය සහ ඉන්දියාව සමඟ මීළඟ වෙළෙඳ සාකච්ඡා සඳහා දින නියම කර නොමැති බව ජාත්‍යන්තර වෙළඳ කාර්යාලයේ ප්‍රධාන සාකච්ඡාකරු (Chief Negotiator, International Trade Office) කේ.ජේ. වීරසිංහ පිළිගනියි: ශ්‍රී ලංකාව, 2022 වසරේ දී ද්විපාර්ශ්වික වෙළඳාමෙන් චීනය සහ ඉන්දියාවෙන් ඇ.ඩො. බිලියන 9 බැගින් බලාපෙරොත්තු විය.
- ශ්‍රී ලංකා බලධාරීන් විසින් අත්අඩංගුවට ගෙන ඇති ඉන්දියාවේ රාමේෂ්වරම් ධීවරයන් 08 දෙනා නිදහස් කරන මෙන් බලකරමින් ඉන්දියාවේ රාමේෂ්වරම් ධීවරයෝ වැඩ වර්ජනයක නිරත වෙති: ධීවර යාත්‍රා 800ක් පමණ ජැටියේ නැංගුරම්ලා ඇති බව සඳහන්: මීට ඉහත, ශ්‍රී ලංකා නාවික හමුදාව විසින් ශ්‍රී ලංකා මුහුදු සීමාවේ ධීවර කටයුතුවල නිරත වූ රාමේෂ්වරම් සහ පුදුක්කෝට්ටායි ප්‍රදේශවල ධීවරයන් 17 දෙනෙකු අත්අඩංගුවට ගෙන තිබුණි.
- කැබිනට් අනුමැතිය ලද නැනෝ තාක්‍ෂණය මඟින් බේරේ වැවේ ජලය උදාසීන කිරීමේ ව්‍යාපෘතියේ ප්‍රායෝගිකභාවය පිළිබඳ පර්යේෂකයෝ සිය අවධානය යොමුකරති: කැබිනට් තීරණයට අනුව, ක්ෂුද්‍ර නැනෝ බුබුලු සහ කාබන් ෆයිබර් ජෛව පටල තාක්‍ෂණය (micro nano-bubble & carbon fibre biofilm technology) සහ පරිසර හිතකාමී එන්සයිම යොදා ගනිමින් බේරේ වැවේ ජලයේ ගුණාත්මකභාවය ඉහළ නැංවීමට මෙම පියවර ගෙන ඇත.
- කොළඹ නෙළුම් කුළුණ සිය පළමු සංවත්සරය සමරයි: ඒ වන විට දේශීය සංචාරකයන් 120,174ක් සහ විදේශීය සංචාරකයන් 200,223ක් නෙළුම් කුළුණ නැරඹීමට පැමිණ ඇත: සංචාරකයන් හරහා උපයා ඇති ආදායම රු. මිලියන 550කට වඩා අධිකවන අතර, මූලික බදු ගෙවීම ලෙස රු. මිලියන 100ක් විදුලි සංදේශ නියාමන කොමිෂන් සභාව වෙත ගෙවා ඇති බව නෙළුම් කුළුණ කලමනාකරණ ප්‍රධානී ප්‍රසාද් සමරසිංහ පවසයි.
- 2023 වසරේ ආර්ථික අභියෝගවල කටුක යථාර්ථය ශ්‍රී ලංකා පොදුජන පෙරමුණේ සිට ස්වාධීන වූ පා.ම. ආචාර්ය නාලක ගොඩහේවා හෙළිදරව් කරයි: වත්මන් රජයේ සමෘද්ධිමත් අපනයන ඉලක්ක කරගත් ආර්ථිකයක් ගොඩනැගීමේ අපේක්ෂාව හුදෙක් සිහිනයක් මිස යතාර්ථයක් නොවන බව ඉතා පැහැදිලි බව පවසයි.
- සමූපකාර තොග වෙළඳ සංස්ථාව (සතොස) සිය ප්‍රතිව්‍යූහගත කිරීමේ වැඩසටහනේ කොටසක් ලෙස 2023 සැප්තැම්බර් 30 වන දින සිට අනිවාර්ය විශ්‍රාම ගැන්වීම් මත 300 ක් පමණ වූ තම සියලුම සේවකයන් ගෙදර යැවීමට කටයුතු කරයි: කැබිනට් තීරණයක් මත මෙම ක්‍රියාමාර්ගය ගෙන ඇත.
- ආසියානු කුසලාන ක්‍රිකට් තරඟාවලියේ අවසන් මහා තරඟය අද ඉන්දියාව සහ ශ්‍රී ලංකාව අතර පැවැත්වීමට නියමිත ය: ඉන්දියාව පරාජය කිරීමේ හැකියාව ශ්‍රී ලංකාව සතුව පවතින අතර, ඊට හේතුව වන්නේ ඔවුන් ඉකුත් සතියේ එය බොහෝ දුරට කිරීම බව විශ්ලේෂකයෝ පවසති.
