පියැසි ඉරා දමමින්, ගස් මුලින් ගළවා දමමින් ඉයුනිස් සුළි සුළඟ, එංගලන්ත ඉතිහාසයේ වේගයෙන් අධිකතම සුළි කුණාටුව බවට පත් ව තිබේ.ගුවන් යානා, ගුවන් ධාවන පථ මත තල්ලු කර දැමීමට තරම් ඉයුනිස් සුළි කුණාටුව වේගවත් ව සහ බලවත් ව ඇත.
මිලියන ගණනක් එංගලන්තය වැසියන් මර බියට පමුණුවා ඇති මෙම සුළි සුළඟ, ‘ජීවිත හානි’ ඇති කරන මට්ටමේ එකක් බව එක්සත් රාජධානි කාලගුණික දෙපාර්තමේන්තුව විසින් පවසා තිබේ.
මෙම “danger-to-life” හෙවත් ‘ජීවිත තර්ජන’ අදියරේ අනතුරු ඇඟවීමක් එරට කාලගුණික දෙපාර්තමේන්තුව විසින් නිකුත් කරන්නේ ඉතා කලාතුරකිනි.
දකුණු දිග එංගලන්තයේ සහ වේල්සයේ ඇතැම් පළාත්වලට බලපෑ මෙය, මේ වන විට පැයට කිලෝමීටර 122 ක වේගයක් අත්පත් කර ගෙන තිබේ.
අයර්ලන්තය ද ඉයුනිස් නිසා බලපෑමට හසුව ඇති අතර, එක් මරණයක් වාර්තා වේ. එම තැනැත්තා මරණයට පත් ව තිබෙන්නේ සුළං පහර නිසා පෙරළී ගිය ගසකට යට වීමෙනි.
ලන්ඩනයේ ලෝක ප්‍රකට O2 ඇරීනා ද සුළි කුණාටුවෙන් දැඩි හානියට පත් ව ඇත.
ඡායාරූප : CNN/ PA Wire
