සටහන – රෂිකා හෙන්නායක
කොළඹ (LNW): , ගාල්ල ජෙට් වින් හෝටලයේ අද (12) පැවති “ගාලු කතිකාව 2023 – ජාත්යන්තර සමුද්රීය සමුළුව ” අමතමින්, ජනාධිපති රනිල් වික්රමසිංහ මහතා පෙන්වා දුන්නේ, අතීතයේ සිට සුවිශේෂ කේන්ද්රස්ථානයක් වූ ඉන්දියන් සාගර කලාපයේ රටවලට නැඟී එන ලෝක ආර්ථිකය තුළ පුළුල් භූමිකාවක් පැවරී ඇති බවත්, ගෝලීය භූ දේශපාලනය තුළ ගනු ලබන ස්ථාවරත්වය සමඟ එහි ඉදිරි ගමන් මඟ තීරණය වනු ඇති බවත්ය.
ජනාධිපතිවරයා අවධාරණය කළේ, අපටම ආවේණික සංස්කෘතික, වෙළෙඳ හා එකිනෙකට බැඳුනු ශිෂ්ටාචාරයකට උරුමකම් කියන ඉන්දියන් සාගරයේ සහයෝගීතාව කිසිවෙකුට විනාශ කළ නොහැකි අතරම එය කිසිවෙකුටත් අතුගා දැමිය නොහැකි බවයි.
“ඉන්දියානු සාගරයේ මතුවන නව පිළිවෙල” කේන්ද්රීය තේමාව යටතේ ජාත්යන්තර සංවිධාන 11ක සහ රටවල් 44ක සමුද්රීය නියෝජිතයින්ගේ හා නාවික හමුදා ප්රධානීන්ගේ සහභාගිත්වයෙන් සමුළුව අද සහ හෙට (13) පැවැත්වෙනු ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
