සටහන – නිපුනි ලියනගේ
කොළඹ (LNW): චීනය විසින් පනවා තිබූ සංචාරක සීමාවන් ඉවත් කිරීමත් සමඟ ශ්‍රී ලංකාව සිය චීන සංචාරක සහ ආයෝජක ප්‍රවර්ධන ව්‍යාපාරය ප්‍රබෝධමත් අදියරයකට ගෙන යමින් පවතී.
චීනය සිය සංචාරක සීමාවන් ඉවත් කිරීම බොහෝ රටවල් චීන සංචාරකයින් ආකර්ෂණය කර ගැනීමට තුඩු දුන් කරුණකි.
චීනය සමඟ ශක්තිමත් සහයෝගීතාවක් ඇති කර ගනිමින් නව වසරේ චීන සංචාරකයින් විශාල වශයෙන් පැමිණෙනු ඇතැයි ශ්‍රී ලංකාව අපේක්ෂා කරයි.
චීනය ඇතුළු රටවල් 7කට ශ්‍රී ලංකාව හඳුන්වා දුන් නිදහස් වීසා ක්‍රමය ප්‍රකාශයට පත් කිරීම සඳහා බීජිං හි ශ්‍රී ලංකා තානාපති කාර්යාලය විසින් 2023 දෙසැම්බර් 15 වන දින Chancery පරිශ්‍රයේ දී ප්‍රවර්ධන වැඩසටහනක් සංවිධානය කරන ලදී.
චීන විදේශ සංචාරක කර්මාන්තය සහ දේශීය මාධ්‍ය නියෝජනය කරමින් අමුත්තන් 60 කට අධික පිරිසක් මෙම අවස්ථාවට සහභාගී වූහ.
2024 දී වේගයෙන්ම වර්ධනය වන සංචාරක ගමනාන්තයක් ලෙස ශ්‍රී ලංකාව 5 වැනි ස්ථානයට පත් කර ඇති බව සඳහන් කරමින්, එළඹෙන වසන්ත උත්සව නිවාඩු දිනවලදී ශ්‍රී ලංකාව ඔවුන්ගේ නිවාඩු ගමනාන්තය ලෙස තෝරා ගන්නා ලෙස K.K. Yoganadan මහතා චීන සංචාරකයින්ගෙන් ඉල්ලා සිටියේය.
ශ්‍රී ලංකා සංචාරක ප්‍රවර්ධන කාර්යාංශයේ සභාපති චාලක ගජබාහු මහතාගේ විශේෂ වීඩියෝ පණිවුඩයක් මෙහිදී ප්‍රදර්ශනය කෙරුණු අතර එහිදී ඔහු කියා සිටියේ චීන සංචාරකයින් පිළිගැනීමට ශ්‍රී ලංකාව සූදානම් බවත් ශ්‍රී ලංකාවට සංචාරකයන් එවන ප්‍රමුඛ රට බවට චීනය පත්වනු ඇතැයි අපේක්ෂා කරන බවත්ය.
ඉදිරිපත් කිරීමෙන් අනතුරුව, සිත් ඇදගන්නාසුළු ප්‍රශ්න විචාරාත්මක සැසියක් පැවති අතර, එහිදී ජයග්‍රාහකයින් හට සිලෝන් ටී හි විශිෂ්ට ත්‍යාගයක් පිරිනමන ලදී.
සංචාරක අංශයෙන් ඔබ්බට චීනය ශ්‍රී ලංකාවේ විශාලතම වෙළඳ සහකරු වන අතර විදේශ ආයෝජනයේ විශාලතම මූලාශ්‍රය ද වේ.
