2024 ජනාධිපතිවරණයට ඉදිරිපත් නොවන බවක් තමන් කොතැනකවත් ප්‍රකාශ කර නොමැති බව ජනාධිපති රනිල් වික්‍රමසිංහ මහතා ආණ්ඩු පක්ෂයේ ප්‍රබලයින් පිරිසක් සමග පවසා ඇතැයි වාර්තා වේ.
ජනාධිපතිවරයා මේ බව ප්‍රකාශ කර ඇත්තේ නත්තල් නිවාඩුවට ප්‍රථම ඇමතිවරුන් පිරිසක් සමග පැවති සාකච්ඡාවකින් අනතුරුව ය.
“සර් මේ පාර ජනාධිපතිවරණයට එන්නේ නෑ කියලා සමහරු කියනවා. මේකෙ ඇත්ත නැත්ත මොකක්ද ?” යනුවෙනු අමාත්‍යවරයකු කළ විමසීමකට පිළිතුරු දෙමින් ජනාධිපති රනිල් වික්‍රමසිංහ මහතා පවසා ඇත්තේ “මම තවම එනවා කියලත් නෑ, එන්නේ නෑ කියලත් නෑ. කොහොම වුණත් රටේ ආර්ථිකය ගොඩ ගන්න තව වැඩකටයුතු ගොඩක් කරන්න තියෙනවා” යනුවෙනි.
ණය ප්‍රතිව්‍යුහගතකරණ වැඩසටහන අවසන් කළ යුතුව ඇති බවත් අලුත් ආර්ථිකයක් නිර්මාණය කළ යුතුව ඇති බවත් පවසා ඇති ජනාධිපතිවරයා ඊට කාලය අවශ්‍ය බවත් පවසා ඇතැයි සඳහන්.
RN
