සමගි ජන සන්ධානය ගොඩනැඟෙන්නේ මුදල්, වරදාන, වරප්‍රසාද මත නොව ප්‍රතිපත්ති මත බව විපක්ෂ නායක සජිත් ප්‍රේමදාස මහතා අවධාරණය කරයි.
“අපේ සන්ධානය ගොඩනැගෙන්නේ ඔයාට අර ඇමතිකම, මෙයාට මේ ඇමතිකම, අරයාට අර සභාපතිකම කියලා ඒ මත නෙවෙයි. අපේ සන්ධානය ගොඩනැගෙන්නේ ප්‍රතිපත්ති මත. විශේෂයෙන්ම ජනාධිපතිතුමා ප්‍රමුඛ ආණ්ඩුවටත් කියන්න කැමතියි අපි නම් සන්ධාන හදන්නේ ඔළුගෙඩි සෙල්ලම් කරලා, සංගීත පුටු දේශපාලනය කරලා, මුදල් හුවමාරු කරලා, සල්ලි බෑග් එහාට මෙහාට දීලා, වරදාන වරප්‍රසාද ප්‍රතිලාභ මත ක්‍රියාත්මක වෙන තරු හතේ හෝටල් කේන්ද්‍රගත ක්‍රමයට නෙවෙයි. අපි විශේෂයෙන්ම මහජන සේවයට මුල් තැන ලබාදෙනවා”
විපක්ෂ නායක සජිත් ප්‍රේමදාස මහතා මේ බව පැවසුවේ ඊයේ (01) කොළඹ, විපක්ෂ නායක කාර්යාලයේදී පැවති මාධ්‍ය හමුවක් අමතමිනි.
RN
