සටහන – රෂිකා හෙන්නායක
ජනවාරි 20 කොළඹ (LNW): විදුලි බල මණ්ඩලයේ සේවකයන් ලබාගෙන ඇති මූල්‍ය පහසුකම් සම්බන්ධයෙන් සහ එම මණ්ඩලයට නව සේවකයන් බදවා ගැනීම පිළිබද තොරතුරු ලබාදෙන්නැයි අමාත්‍ය කංචන විජේසේකර මහතා මීට සති දෙකකට පෙර මණ්ඩලයේ කළමනාකාරීත්වයට දැනුම් දී ඇති අතර, ඒ අනුව සේවකයන් ලබාගෙන ඇති ණය පහසුකම් ප්‍රමාණය රුපියල් බිලියන 12000ක් පමණ වන බව වාර්තා වී ඇත.
එම ණය සඳහා වන පොලියෙන් තුනෙන් දෙකක් ගෙවීමද විදුලි බල මණ්ඩලය සිදුකෙරෙන බවද සඳහන් වේ.
අමාත්‍ය කංචන විජේසේකර මහතා පවසන්නේ, විදුලි බල මණ්ඩලය තම සේවකයන්ගේ ණය පොලී වෙනුවෙන් ගෙවන මුදල් අයවන්නේ ද මහජනතාවගේ විදුලි බිලෙන් බවයි.
ඒ අනුව විදුලි බල මණ්ඩලයේ සේවකයන් ලබාගෙන ඇති ණය පහසුකම්වල පොලී ගෙවා දැමීම සදහා මහජනතාවගේ විදුලි බිලෙන් අයකර ගැනීම නවතා දමා ණය හිමියන්ගෙන්ම ඒවා අයකර ගැනීමට ක්‍රමවේදයක් සකස් කරන ලෙස අමාත්‍ය කංචන විජේසේකර මහතා දැනුම් දී ඇති බව සඥන් වේ.
